|
|
Azərbaycan Dövlət Pedaqoji Universitetinin Kimya Fakültəsinin - Analitik
və Fiziki Kimya Kafedrasının Web Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Kimya Fakültəsinin
- Analitik və Fiziki Kimya Kafedrasının Web Səhifəsində salamlayaraq hamınıza
- "XOŞ GƏLDİNİZ!" deyirəm.
Kimya Fakültəsinin - Analitik və Fiziki Kimya Kafedrasının Web Səhifəsi
Sizin xidmətinizdədir. Arzu və istəklərinizi, sizi düşündürən məsələləri, sualları
chemistry_physical@aspu.az elektron poçt ünvanı ilə bizə çatdıra
bilərsiniz.
Kimya Fakültəsinin - Analitik və Fiziki Kimya Kafedrasının Web Səhifəsi
Azərbaycanın ali pedaqoji təhsil tarixi ilə maraqlanan tədqiqatçılar, müəllimlər,
tələbə və geniş oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Kimya Fakültəsinin - Analitik və Fiziki Kimya Kafedrasının Müdiri,
k.e.d., prof. N.A.Verdizadə
|
|
|
|
|
UNİVERSİTETİN KİMYA FAKÜLTƏSİ - Üzvi Kimya və Kimya
Texnologiyası Kafedrası
Analitik və fiziki kimya kafedrası 1969-cu ildə
k.e.d., prof. A.Ə.Verdizadənin rəhbərliyi ilə yaradılmışdır
(A.Ə.Verdizadə 1959-1964-cü illərdə ADPU-nun «Ümumi kimya» kafedrasına
rəhbərlik etmişdir).
1976-cı ildən hal-hazıra kimi kafedraya k.e.d., prof. N.A.Verdizadə rəhbərlik edir.
1981-ci ildən kafedra əməkdaşlarından 3 nəfəri elmlər doktoru (N.A.Verdizadə, Ə.N.Qurbanov
və T.Ə.Ağdamski) və 5 nəfər elmlər namizədi (T.İ.Əmrahov, Z.B.Rəhimova, K.Ə.Quliyev,
Ə.Z.Zalov, Y.N.Rüstəmova (elmi rəhbəri prof. N.A.Verdizadə olub) alimlik dərəcəsi
almışlar.
Kafedrada iki istiqamət üzrə elmi-tədqiqat işi aparılır: analitik kimya və kataliz.
A.Ə.Verdizadə (1914-1973) elmi fəaliyyətinin ilk dövründə yodun üzvi həlledicilərinin
tətbiqi ilə dəmirin mikroyodometrik təyini sahəsində tədqiqatlar aparmışdır. Onun
əsas elmi istiqaməti peryodatometrik və yodometrik üsulların tətbiq sahəsinin inkişafı
olmuşdur.
O, mis, dəmir, natrium, molibden, nikel, kobalt, qalay, sink, kadmium, sirkonium,
civə, terium, serium, indium, qurğuşun və s. elementlərin qravimetrik, titrimetrik
və fotometrik təyini üsullarını işləyib hazırlamış və bu üsulları müxtəlif obyektlərə
tətbiq etmişdir. Elmi fəaliyyətinin sonrakı illərində isə o, bəzi d-keçid elementlər
üçün həssas və seçici yeni ekstraksiyalı-fotometrik üsulların işlənilməsi ilə məşğul
olmuşdur. O bir nəfər elmlər doktoru və üç nəfər elmlər namizədi hazırlamışdır (Ə.N.Qurbanov,
N.A.Verdizadə, S.M.Şirəliyeva).
Prof. N.A.Verdizadənin elmi fəaliyyətinin ilk illərində qələvi torpaq metalların
peryodatları ilə talliumun qravimetrik, titrimetrik, ekstraksiyalı-fotometrik və
diferensial-fotometrik təyini üsullarının işlənilməsinə həsr edilmişdir. Əsas elmi
istiqamət isə (1972-ci ildən hal-hazıra kimi) d-keçid elementlərin tərkibində azot
və kükürd olan liqandlarla əmələ gətirdikləri komplekslərin spektrofotometrik tədqiqi
və analitik tətbiqi olmuşdur.
N.A.Verdizadənin rəhbərliyi altında kafedrada 6 nəfər elmlər namizədi hazırlamışdır.
Prof. N.A.Verdizadə 250 adda elmi əsərin, o cümlədən 33 dərslik, dərs vəsaiti və
metodik göstərişin müəllifidir.
Kataliz sahəsində kafedrada işlər prof. T.Ə.Ağdamski tərəfindən aparılmışdır.
Onun əsas elmi tədqiqatları katalizatorların sintezi, tədqiqi və seçilməsinin nəzəri
əsaslarının işlənilməsinə və koordinasiya kimyasına aiddir. O, xrom-alüminium katalizatorlarının
sintez şəraitini müəyyənləşdirərək, onları dehidrogenləşmə və polimerləşmə reaksiyalarında
tədqiq etmişdir.
Prof. T.Ə.Ağdamski koordinasiya kimyası üzrə 1985-2000-ci illərdə İsveçrədə, Yunanıstanda,
Avstraliyada, Portuqaliyada, Almaniyada, Yaponiyada, Kanadada keçirilmiş XXIII-XXXI-Beynəlxalq
konqres və simpoziumlara və karbon-4-oksidin işlənilməsinə həsr olunmuş I, II, III,
V və VI beynəlxalq konfranslara (1990, Almaniya), (1993, İtaliya), (1994, 1997,
Yaponiya), (2001 Amerika) dəvət edilmişdir.
Prof. T.Ə.Ağdamski 115 elmi əsərin, 3 dərs vəsaitinin, 3 ədəd müəlliflik şəhadətnaməsinin
müəllifidir.
Kafedra əməkdaşları tərəfindən 1981-ci ildən bəri 35-dən çox dərs vəsaiti çap etdirilib,
şagird və tələbələrin istifadəsinə verilmişdir. Bu işdə kafedranın üzvləri N.A.Verdizadə,
T.Ə.Ağdamski, Ə.N.Qurbanov, N.Q.Xəlilova, S.M.Şirəliyeva, T.İ.Əmrahov, M.H.İsgəndərov,
H.İ.İbrahimov, K.Ə.Quliyev, S.N.Quliyev, Ə.Z.Zalov xüsusilə fərqlənmişlər.
Analitik və fiziki kimya kafedrasının elmi əlaqələri həm xarici ölkə, həm MDB ölkələri,
həm də respublika daxili elm müəssisələrini əhatə edir.
1989-cu ildən hal-hazıra kimi kafedra nəzdində N.A.Verdizadənin rəhbərliyi altında
«Koordinasion birləşmələr» elmi-tədqiqat laboratoriyası fəaliyyət göstərir. Bu laboratoriya
tərkibində kükürd olan liqandlarla üç komponentli metal kompleks-lərinin tədqiqi
və onların müxtəlif materialların analizinə tətbiqi ilə məşğul olur. Aparılan tədqiqatlar
nəticəsində 1 nəfər (Ə.Z.Zalov) namizədlik dissertasiyasını müdafiə etmişdir.
Uzun illərdir ki, N.A.Verdizadə və T.Ə.Ağdamski respublikada namizədlik və doktorluq
dissertasiyaların müdafiəsi üzrə ixtisaslandırılmış elmi şuraların üzvləridir. 2004-cü
ildən T.Ə.Ağdamski Azərbaycan Respublikasının Prezidenti yanında Ali Attestasiya
Komissiyasının kimya elmləri üzrə ekspert şurasının üzvüdür.
1981-ci ildən etibarən kafedra üzvləri dəfələrlə müxtəlif dərəcəli təltiflər almışlar.
Prof. N.A.Verdizadə D.İ.Mendeleyev adına Ümumittifaq kimya cəmiyyətinin Azərbaycan
bölməsinin diplomu ilə, SSRİ Ali və Orta İxtisas Nazirliyi tərəfindən ali təhsil
sahəsindəki nailiyyətlərə görə «Za otliçnıe uspexi v rabote» döş nişanı ilə təltif
edilmişdir.
Prof.N.A.Verdizadə 2005-ci ildə «Azərbaycanca-ingiliscə-rusca kimya, kimya texnologiyası,
neft və qazın emalına dair lüğət» çap etdirdiyinə görə «Humay» Milli mükafatı laureatı
adına layiq görülmüşdür.
Hal-hazırda kafedrada 9 nəfər prof.-müəllim fəaliyyət göstərir.
Onlardan 2-si kimya elmləri doktoru, prof. (N.A.Verdizadə, T.Ə.Ağdamski), 2-si kimya
elmləri namizədi, dosent (S.M.Şirəliyeva, N.Q.Xəlilova), kimya elmləri namizədi,
baş müəllim (M.H.İsgəndərov, H.İ.İbrahimov, Ə.Z.Zalov) və müəllimdir (S.N.Quliyev,
K.Ə.Quliyev).
Yaradıcı Kollektiv
|
|
|
|
|
|
|
|
|