|
|
Azərbaycan Dövlət Pedaqoji Universitetinin Mühəndis-Pedaqoji və Bədii
Qrafika Fakültəsinin Web
Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Mühəndis-Pedaqoji
və Bədii Qrafika Fakültəsinin
Web Səhifəsində salamlayaraq hamınıza - "XOŞ GƏLDİNİZ!" deyirəm.
Mühəndis-Pedaqoji və Bədii Qrafika Fakültəsinin Web Səhifəsi Sizin xidmətinizdədir. Arzu və istəklərinizi, sizi
düşündürən məsələləri, sualları engineering@aspu.az elektron poçt ünvanı
ilə bizə çatdıra bilərsiniz.
Mühəndis-Pedaqoji və Bədii Qrafika Fakültəsinin Web Səhifəsi Azərbaycanın ali pedaqoji təhsil tarixi ilə maraqlanan
tədqiqatçılar, müəllimlər, tələbə və geniş oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Mühəndis-Pedaqoji və Bədii Qrafika Fakültəsinin Dekanı,
prof. H.İ.Həşimov
|
|
|
|
|
1962-ci ildən etibarən V.İ.Lenin adına APİ-də fizika fakültəsinin
tərkibində fizika və istehsalatın əsasları ixtisası üzrə müəllim kadrları hazırlanmağa
başlanıldı.
1972-ci ildə həmin baza əsasında ümumi texniki fənlər fakültəsi yaradıldı. Fakültəyə
müxtəlif illərdə dos.S.İ.Abdullayev (1972-77), prof.Ə.H.Rüstəmov (1977-82), dos.İ.Q.Bənənyarlı
(1982-88), prof. K.D.Hüseynov (1990-98), prof. H.İ.Həşimov (1998-2006) rəhbərlik
etmişlər.
Fakültənin yaradıldığı ilk dövrlərdə cəmi 2 kafedra fəaliyyət göstərirdi:
1. Ümumitexniki fənlər kafedrası (kafedraya müxtəlif illərdə dos. A.M.Məmmədov (1971-75),
prof.A.M.Quliyev (1971-77) rəhbərlik etmişlər).
2. Materialların texnologiyası və əmək təliminin metodikası kafedrası (kafedraya
müxtəlif illərdə dos.S.İ.Əlai (1971-77), dos. M.G.Seyidov (1977-82), dos. Ş.Əhmədova
(1984-86), dos. S.İ.Abdullayev (1986-94) rəhbərlik etmişlər).
1994-cü ildə ümumitexniki fənlər kafedrasının əsasında 2 kafedra yaradıldı:
1. Maşınşünaslıq kafedrası. Kafedraya 1994-2004-cü illərdə dos.A.M.Məmmədov rəhbərlik
etmişdir. 2005-ci ildən isə kafedra müdiri dos.N.V.Qasımovdur.
2. İstehsalatın əsasları kafedrası. Kafedraya 1994-98-ci illərdə prof.K.D.Hüseynov,
1998-ci ildə dos.S.M.Əliyeva, 1998-2002-ci illərdə dos.S.İ.Abdullayev rəhbərlik
etmişlər. 2003-cü ildən etibarən kafedraya dos.S.M.Musayeva rəhbərlik edir.
Fakültənin genişlənməsilə əlaqədar olaraq burada 1974-cü ildə yeni elektroradiotexnika
kafedrası yaradıldı.
1974-83-cü illərdə dos.Ə.M.Ağalarov, 1983-99-cu illərdə prof.H.İ.Həşimov kafedra
müdiri olmuşlar. 1999-cu ildən kafedraya yenə dos. Ə.M.Ağalarov rəhbərlik edir.
Fakültədə rəsm və rəsmxət ixtisası üzrə müəllim kadrlarının hazırlanması ilə əlaqədar
olaraq 1971-ci ildə təsviri incəsənət kafedrası yaradıldı. Kafedraya 1971-1981-ci
illərdə dos. P.Hacıyev, 1981-88-ci illərdə dos.H.Hüseynov, 1988-1993-cü illərdə
dos.Ç.Rüstəmov rəhbərlik etmişdir.
1981-ci ildə Universitetdə aparılan struktur dəyişikliyi ilə əlaqədar olaraq ayrıca
bədii qrafika fakültəsi yaradıldı. Bu fakültəyə 1981-1988-ci illərdə dos.T.İ.Məmmədov,
1989-1998-ci illərdə isə dos.M.N.Yüzbaşıyev rəhbərlik etmişdir. Bu fakültə nəzdində
3 kafedra fəaliyyət göstərmişdir:
1. Rəsm, heykəltaraşlıq və boyakarlıq kafedrası. Kafedraya 1981-1995-ci illərdə
prof.İ.Zeynalov, 1995-2000-ci illərdə dos. L.Məmmədova rəhbərlik etmiş, 2002-ci
ildən hal-hazıra kimi kafedraya dos.F.İ.Zeynalov rəhbərlik edir.
2. Rəsmxət və onun tədrisi metodikası kafedrası. Kafedraya 1981-1993-cü illərdə
dos.H.X.Məhərrəmov, 1994-1999-cü illərdə dos.T.Məmmədov rəhbərlik etmişdir.
3. Təsviri incəsənət və onun tədrisi metodikası. Kafedraya 1988-1993-cü illərdə
dos.Ç.Rüstəmov, 1993-cü ildən 2000-ci ilə qədər dos.S.H.Atayev rəhbərlik etmişdir.
2000-ci ildə təsviri incəsənət və onun tədrisi metodikası, eləcə də rəsmxət və onun
tədrisi metodikası kafedralarında tədris yükü azaldığından bunlar birləşdirilərək
təsviri incəsənət, rəsmxət və onların tədrisi metodikası kafedrası yaradıldı. Kafedraya
dos.S.Atayev rəhbərlik edir.
Pedaqoji universitetdə aparılan struktur dəyişikliyi ilə əlaqədar olaraq 1998-ci
ildə mühəndis-pedaqoji və bədii qrafika fakültələri birləşdirilərək mühəndis-pedaqoji
və bədii qrafika fakültəsi yaradıldı. Həmin vaxtdan 2006-cı ilə kimi fakültəyə prof.H.İ.Həşimov
rəhbərlik etmişdir.
Hal-hazırda fakültədə 5 ixtisas kafedrası: elektroradiotexnika, istehsalatın əsasları,
maşınşünaslıq, təsviri incəsənət, rəsmxət və OTM, rəsm, heykəltaraşlıq və boyakarlıq
fəaliyyət göstərir. Fakültədə müasir dəzgah və avadanlıqlarla təchiz edilmiş 32
tədris laboratoriyası, bir sıra ixtisaslaşdırılmış fənn kabinələri və emalatxanaları,
kompyüter otaqları mövcuddur. Tədris prosesinin səmərə və keyfiyyətini yüksəltmək
məqsədilə fundamental elmi-tədqiqat işlərinin yerinə yetirilməsi, müasir tələblərə
cavab verən yeni dərslik və metodiki vəsaitlərin yazılması, maddi-texniki bazanın
zənginləşdirilməsi sahəsində fakültə əməkdaşları məqsədyönlü fəaliyyət göstərirlər.
Müxtəlif illərdə fakültə əməkdaşları iki kollektiv monoqrafiya, 72 dərslik və dərs
vəsaiti, 43 metodik göstəriş, 600-ə qədər elmi-metodiki məqalə çap etdirilmiş, 4
müəlliflik şəhadətnaməsi alınmışdır.
Fakültənin əməkdaşları müxtəlif illərdə keçmiş SSRİ-nin, Rusiya Federasiyasının
və Respublika Təhsil Nazirliyinin elmi-metodiki şuralarının işində yaxından iştirak
etmişlər.
1975-80-ci illərdə fakültə əməkdaşlarından prof.A.M.Quliyev və dos. S.İ.Əlai SSRİ
Təhsil Nazirliyi Elmi-metodiki şurasının üzvü, 1993-cü ildən hal-hazıra kimi prof.H.İ.Həşimov
Rusiya Federasiyası Təhsil Nazirliyi Elmi-metodiki şurasının üzvü və Azərbaycan
Respublikası Təhsil Nazirliyi elmi-metodiki şurasının “Texniki peşə təhsili” bölməsinin
sədridir.
Onlar tədris prosesinin təşkili, planlaşdırılması, təkmilləşdirilməsi sahəsində
faydalı işlər aparmış, dərslik və dərs vəsaitlərinin hazırlanmasında, müzakirəsində
yaxından iştirak etmişlər.
Hal-hazırda fakültədə 547 tələbə peşə təlimi, ümumitexniki fənlər və fizika, təsviri
incəsənət, rəsmxət və əmək təlimi ixtisasları üzrə bakalavr təhsil pilləsində oxuyurlar.
Yaradıcı Kollektiv
|
|
|
|
|
İstehsalatın əsasları Kafedrası
"Basis
Of Industry Department Page"
Elektroradiotexnika Kafedrası
"Electro Radio Engineering Department Page"
Maşınşünaslıq Kafedrası
"Machine
Science Department Page"
Təsviri incəsənət, rəsmxət və onların tədrisi metodikası
Kafedrası
"Art
Work, Drafting and Methodology Department Page"
Rəsm, heykəltəraşlıq və boyakarlıq Kafedrası
"Drawing,
Sculpture and Painting Department Page"
Əməkdaşlar
"Personals
Page"
Elmi Əsərlər və Məqalələr
"Publications
Page"
Məzunlar
"Graduates
Page"
|
|
|
|
|
|
|
|
|