|
|
Azərbaycan Dövlət Pedaqoji Universitetinin Mühəndis-Pedaqoji və Bədii
Qrafika Fakültəsinin - Elektroradiotexnika Kafedrasının Web Səhifəsinə - "XOŞ
GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Mühəndis-Pedaqoji
və Bədii Qrafika Fakültəsi - Elektroradiotexnika Kafedrasının Web Səhifəsində
salamlayaraq hamınıza - "XOŞ GƏLDİNİZ!" deyirəm.
Mühəndis-Pedaqoji və Bədii Qrafika Fakültəsi - Elektroradiotexnika Kafedrasının
Web Səhifəsi Sizin xidmətinizdədir. Arzu və istəklərinizi, sizi düşündürən məsələləri,
sualları engineering_electroradioengineering@aspu.az elektron poçt ünvanı
ilə bizə çatdıra bilərsiniz.
Mühəndis-Pedaqoji və Bədii Qrafika Fakültəsi - Elektroradiotexnika Kafedrasının
Web Səhifəsi Azərbaycanın ali pedaqoji təhsil tarixi ilə maraqlanan tədqiqatçılar,
müəllimlər, tələbə və geniş oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Mühəndis-Pedaqoji və Bədii Qrafika Fakültəsi - Elektroradiotexnika Kafedrasının
Müdiri,
dos. Ə.M.Ağalarov
|
|
|
|
|
UNİVERSİTETİN MÜHƏNDİS-PEDAQOJİ VƏ BƏDİİ QRAFİKA FAKÜLTƏSİ
- Elektroradiotexnika Kafedrası
Kafedra 1974-cü ildə yaradılmışdır.
Kafedraya dos. Ə.M.Ağalarov rəhbərlik edir.
Kafedranın müəllimləri hal-hazırda fizika, mühəndis-pedaqoji və bədii qrafika fakültələrində,
radiofizika, elektrotexnika, avtomatikanın əsasları, elektrik ölçmələri, elektrotexniki
materiallar və sənaye elektronikasının elementləri fənlərini və ixtisas kurslarını
tədris edirlər.
Kafedrada 2 istiqamətdə elmi-tədqiqat işi aparılır: maqnit yarımkeçiricilərinin
elektrik və maqnit xassələrinin tədqiqi və elektrik şəbəkələrinin etibarlılığının
artırılması.
Aparılan tədqiqatların nəticələri dərslik, dərs vəsaiti və elmi məqalə kimi nəşr
edilir.
Prof.H.İ.Həşimov, dos.A.Ö.İsmayılov və dos. A.Ə.Mustafayevin 9 elmi məqaləsi Almaniyada
və Rusiya EA-nın “Xəbərlər”ində, “Bərk cisimlər fizikası” jurnalında nəşr edilmişdir.
Prof.H.İ.Həşimovun “Elektrotexnika”, dos.Ə.M.Ağalarov və S.S.Rzayevin “Radiotexnika
üzrə laboratoriya işləri” (1980), “Radioqurğuları üzrə laboratoriya işləri” (1982),
“Elektrik təchizatının etibarlılığı” (1975), prof. H.İ.Həşimov və S.S.Rzayevin “Avtomatikanın
əsasları və EHT” (1991), “Avtomatikanın əsasları və elektron hesablama texnikası
kursu üzrə laboratoriya işlərinə dair metodik göstərişlər” (1989), H.İ.Həşimov,
S.S.Rzayev və Ə.M.Ağalarovun “Elektroradiotexnikadan ixtisas kursu üzrə laboratoriya
işlərinə dair metodiki göstərişlər” (1987), H.İ.Həşimov və K.L.Şirinovun “Proqramlaşmış
mikrokalkulyatorlara dair metodiki göstərişlər” (1991), H.İ.Həşimov, S.S.Rzayev
və M.M.Əliyevin “Dövrlər nəzəriyyəsinin əsasları” (1988), H.İ.Həşimov və M.M.Əliyevin
“Radiotexnika” (1990), “Elektrik maşınları və aparatları” (1992), H.İ.Həşimov və
A.Ö.İsmayılovun “Elektrotexniki materiallar” (2000), H.İ.Həşimov və A.Ə.Mustafayevin
“Sənaye elektronikasının elementləri” (2001), H.İ.Həşimov, Ə.N.Quliyevin “Yarımkeçiricilərin
alınması və tətbiqi” (2004) adlı dərs vəsaitləri nəşr olunmuşdur.
Kafedrada 6 tədris laboratoriyası və fənn kabinəsi mövcuddur ki, bunlar da müasir
cihaz və avadanlıqlarla təchiz edilmişdir.
Hazırda kafedrada 7 nəfər: 1 professor H.Həşimov, 4 dosent Ə.M.Ağalarov, K.L.Şirinov,
A.Ə.Mustafayev, A.Ö.İsmayılov, baş müəllim A.Sadıqova və müəllim Ə.N.Quliyev çalışır.
Yaradıcı Kollektiv
|
|
|
|
|
|
|
|
|