|
|
Azərbaycan Dövlət Pedaqoji Universitetinin Coğrafiya, Çağırışaqədər
Hazırlıq Fakültəsinin Web
Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Coğrafiya, Çağırışaqədər
Hazırlıq Fakültəsinin
Web Səhifəsində salamlayaraq hamınıza - "XOŞ GƏLDİNİZ!" deyirəm.
Coğrafiya, Çağırışaqədər Hazırlıq Fakültəsinin Web Səhifəsi Sizin xidmətinizdədir. Arzu və istəklərinizi, sizi
düşündürən məsələləri, sualları geography@aspu.az elektron poçt ünvanı
ilə bizə çatdıra bilərsiniz.
Coğrafiya, Çağırışaqədər Hazırlıq Fakültəsinin Web Səhifəsi Azərbaycanın ali pedaqoji təhsil tarixi ilə maraqlanan
tədqiqatçılar, müəllimlər, tələbə və geniş oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Coğrafiya, Çağırışaqədər Hazırlıq Fakültəsinin Dekanı,
dos. M.C.Əliyev
|
|
|
|
|
Ali Pedaqoji İnstitut yaradılarkən burada təşkil edilən üç şöbədən
biri təbiyyat-coğrafiya idi.
İnstitut 1926/27-ci dərs ilində Bakı Dövlət Universitetinin tərkibinə verildiyindən
təbiyyat-coğrafiya şöbəsi öz fəaliyyətini müvəqqəti dayandırdı.
Təbiyyat-kimya fakültəsində fəaliyyət göstərən coğrafiya şöbəsinin bazası əsasında
1934-cü ildə müstəqil coğrafiya fakültəsi təşkil edildi, coğrafiya ixtisaslarına
uyğun yeni kafedralar yaradıldı. Bu şərəfli və məsul iş məşhur kartoqraf prof. M.Əliyevin
rəhbərliyi altında həyata keçrilirdi.
Fakültənin dekanı M.Zülfüqarovun səyi nəticəsində 50-ci illərdə tədris və elmi işlər
sahəsində mühüm nailiyyətlər əldə edildi, kadr hazırlığı xeyli genişləndirildi.
Subyektiv amillər üzündən 1959-cu ildə BDU-nun coğrafiya fakültəsinə birləşdirilən
fakültə bir müddət fəaliyyətini dayandırdı. Lakin bu vəziyyət çox davam etmədi,
respublikanın coğrafiya müəllimlərinə ehtiyacı nəzərə alınaraq 1966-cı ildə APİ-nin
kimya-biologiya fakültəsi nəzdində coğrafiya şöbəsi təşkil edildi.
1970-1976-cı illərdə fakültə müstəqil, 1976-1981-ci illərdə biologiya-kimya fakültəsinin
tərkibində fəaliyyət göstərdi.
Coğrafiya fakültəsi 1981-ci ildən müstəqil fəaliyyət göstərir.
Fakültəyə son 20 ildə dos.S.B.Məmmədov, prof. N.N.Allahverdiyev, dos. Ə.N.Əsədov,
prof. Ş.G.Həsənov, prof. X.Ə.Vəliyev, dos. Y.Q.Əliyev rəhbərlik etmişlər.
2003-cü ildən fakültənin dekanı vəzifəsində ümumi coğrafiya kafedrasının müdiri
dos. M.C.Əliyev çalışır.
Fakültədə əvvəllər yalnız coğrafiya ixtisası üzrə mütəxəssis hazırlanırdı, son zamanlar
isə coğrafiya əlavə biologiya, coğrafiya əlavə pedaqogika, coğrafiya əlavə turizm
və s. ixtisaslar üzrə də mütəxəssis hazırlanır.
İftixarla demək lazımdır ki, elmimizin korifeyi akad. H.Ə.Əliyev coğrafiya fakültəsində
işləmiş, xalq şairi M.Araz, xalq yazıçısı İ.Əfəndiyev, akad. B.Budaqov, AMEA-nın
müxbir üzvü, prof. Q.Məmmədov fakültəmizin yetirməsidir.
Fakültədə 2 nəfər elmlər doktoru, professor, 26 nəfər elmlər namizədi, dosent, 6
nəfər elmlər namizədi, baş müəllim və müəllimlər tədris və elmi axtarışlarla məşğuldurlar.
Hazırda şöbə kimi fəaliyyət göstərən gənclərin çağırışaqədər hazırlıq fakültəsi
keşmiş SSRİ hökumətinin 25 avqust 1978-ci il tarixli qərarına əsasən orta təhsil
müəssisələrində ibtidai hərbi hazırlığın inkişafı məqsədilə Azərbaycan Təhsil Nazirliyinin
21 dekabr 1979-cu il tarixli, 63 saylı əmri ilə “İbtidai hərbi və fiziki təlim”
adı ilə yaradılmışdır. O zaman respublikamızda belə bir fakültənin təşkilinin təşəbbüskarı
Azərbaycan xalqının ümummilli lideri H.Ə.Əliyev olmuşdur.
Fakültənin ilk dekanı prof. R.M.Baxşəliyev (1979-1989) olmuşdur.O, 1994-cü ildə
yenidən fakültənin dekanı vəzifəsinə seçilmiş və indi isə kafedraya rəhbərlik edir.
Şöbədə 60 nəfərə qədər əməkdaş çalışır. Bunlardan 3 nəfəri professor, 20 nəfəri
dosent, pedaqoji elmlər namizədi, 26 nəfəri baş müəllim və müəllim, 10 nəfəri texniki
işçi və laborantdır.
Fakültədə 1985-ci ildən indiyə kimi 2500-dən çox məzun zabit rütbəsinə layiq görülmüşdür.
Onlar orta məktəblərdə bədən tərbiyəsi və hərbi rəhbər işləməklə yanaşı, Müdafiə,
Daxili İşlər, Milli Təhlükəsilik Nazirliklərində də çalışırlar.
Fakültənin məzunları Qarabağ uğrunda gedən döyüşlərdə fədakarlıq göstərmişlər.
Mirələkbər İbrahimov 1986-cı ildə fakültəni bitirmiş, bir müddət Yasamal rayonu
53 nömrəli məktəbdə hərbi rəhbər işləmiş, sonra könüllü olaraq cəbhəyə yollanmış,
döyüşdə igidliklə həlak olmuş və şücaətinə görə Azərbaycanın Milli Qəhrəmanı adına
layiq görülmüşdür. İşlədiyi məktəb onun adını daşıyır.
Fakültənin digər məzunu Mətləb Quliyev də könüllü olaraq Vətən uğrunda döyüşlərə
getmiş, torpaqlarımızın azadlığı uğrunda şəhid olmuşdur. Milli Qəhrəman M.Quliyevin
adını daşıyan Sumqayıt şəhər 3 nömrəli orta məktəbdə onun abidəsi qoyulmuşdur.
Fakültənin məzunu Mürşüd Məmmədov isə polis mayoru idi. 1994-cü il yanvarın 24-də
Murovdağ uğrunda döyüşlərdə qəhrəmanlıq göstərmiş, ölümündən sonra o, Azərbaycan
Bayrağı ordeni ilə təltif edilmişdir.
Fakültənin məzunu Malik Bayramov da ölümündən sonra Azərbaycan Bayrağı ordeninə
layiq görülmüşdür.
Fakültənin yetirmələri S.Abbasov, E.Hüseynov, İ,Salmanov, H.Ələkbərov, İ.Əsədov,
M.Kərimov, N.Qasımov, İ.İsmayılov, E.Qədirov, A.Rzayev, B.İsmayılov və başqaları
xalqımızın milli qəhrəmanlıq ənənələrinə sadiq qalmış, Vətənin çətin günlərində
sinələrini düşmən gülləsinə sipər etmişlər. Fakültənin yetirmələri idman sahəsindəki
fəaliyyətlərini bu gün də davam etdirirlər.
Respublikanın güləş üzrə yığma komandasının baş məşqiçisi Faiq Həbibov və Muxtar
Novruzovun bu sahədəki fəaliyyətləri tədqirəlayiqdir.
Tələbələrimizdən Elman Əsgərov sərbəst güləş üzrə dünya çempionatında 3-cü yeri
tutmuşdur. 2000-ci il olimpiadasına lisenziya qazanmış Rüstəm Siyavuşov yeniyetmələrin
ümumdünya oyunlarının mükafatçısı, sərbəst güləş üzrə idman ustasıdır. Akif Xudiyev
Avropa birinciliyində yeniyetmələrin ümumdünya oyunlarının mükafatçısı, sambo üzrə
idman ustasıdır.
Hazırda fakültəmizdə təhsil alan Etibar Qurbanov, Nicat Tağıyev, Elmir Qənbərov,
Samit Əhmədov, Ramin Əzizov, Səməd Cəbrayılov, Nizami Qarayev, Akifə Səfərova beynəlxalq
yarışların mükafatçılarıdır.
Fakültənin ayrıca tədris korpusu, 3 idman bazası, hərbi dərslərin tədrisi üçün lazımı
laboratoriyalar və xüsusi tədris otaqları vardır. Fakültə yeni şəraitdə mövcud maddi-texniki
bazanın təkmilləşdirilməsi, tədrisin səmərə və keyfiyyətinin daha da yüksəldilməsi,
yüksək peşə hazırlığına malik kadrların hazırlanması istiqamətində tədbirlər həyata
keçirir.
Fakültə nəzdində 6 ixtisas kafedrası fəaliyyət göstərir: ümumi coğrafiya, fiziki
coğrafiya, iqtisadi coğrafiya və coğrafiyanın tədrisi metodikası, fiziki tərbiyə
və gənclərin çağırışaqədər hazırlığı, idman fənləri, bədən tərbiyəsi və idman kafedrası.
Yaradıcı Kollektiv
|
|
|
|
|
Ümumi Coğrafiya Kafedrası
"General
Geography Department Page"
Fiziki Coğrafiya Kafedrası
"Physiography
Department Page"
İqtisadi coğrafiya və coğrafiyanın tədrisi metodikası
Kafedrası
"Methodology
Geography Department Page"
Fiziki tərbiyə və gənclərin çağırışaqədərki hazırlığı
Kafedrası
"Physical
Training Department Page"
Bədən Tərbiyəsi Kafedrası
"Physical
Education Department Page"
İdman fənləri Kafedrası
"Sport
Science Department Page"
Əməkdaşlar
"Personals
Page"
Elmi Əsərlər və Məqalələr
"Publications
Page"
Məzunlar
"Graduates
Page"
|
|
|
|
|
|
|
|
|