|
|
Azərbaycan Dövlət Pedaqoji Universitetinin
Coğrafiya, Çağırışaqədər Hazırlıq Fakültəsinin - Ümumi Coğrafiya
Kafedrasının Web Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Coğrafiya, Çağırışaqədər
Hazırlıq Fakültəsinin - Ümumi Coğrafiya Kafedrasının Web Səhifəsində salamlayaraq hamınıza - "XOŞ GƏLDİNİZ!" deyirəm.
Coğrafiya, Çağırışaqədər Hazırlıq Fakültəsinin - Ümumi Coğrafiya Kafedrasının Web Səhifəsi Sizin xidmətinizdədir.
Arzu və istəklərinizi, sizi düşündürən məsələləri, sualları geography_general@aspu.az
elektron poçt ünvanı ilə bizə çatdıra bilərsiniz.
Coğrafiya, Çağırışaqədər Hazırlıq Fakültəsinin - Ümumi Coğrafiya
Kafedrasının Web Səhifəsi Azərbaycanın ali pedaqoji təhsil tarixi ilə
maraqlanan tədqiqatçılar, müəllimlər, tələbə və geniş oxucu
auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Coğrafiya, Çağırışaqədər Hazırlıq Fakültəsinin - Ümumi Coğrafiya Kafedrasının Müdiri,
dos. M.C.Əliyev
|
|
|
|
|
UNİVERSİTETİN COĞRAFİYA, FİZİKİ TƏRBİYƏ VƏ GƏNCLƏRİN ÇAĞIRIŞAQƏDƏR HAZIRLIQ FAKÜLTƏSİ - Ümumi Coğrafiya Kafedrası
Kafedra 1974-cü ildə fiziki coğrafiya kafedrasının iki hissəyə bölünməsi
nəticəsində yaranmışdır.
Kafedraya 1974-1977-ci illərdə dos. P.S.Mirzəyev, 1978-1991-ci illərdə prof. Ş.G.Həsənov,
1992-ci illərdə yenə dos. P.S.Mirzəyev rəhbərlik etmişdir. 1997-ci ildən kafedranın
müdiri dos. M.C.Əliyevdir.
Kafedrada ümumi yerşünaslığa giriş, meteorologiya və iqlimşünaslıq, hidrologiya,
geomorfologiya, torpaq coğrafiyası, təbiətin mühafizəsi, geologiya, geodeziya, topoqrafiyanın
əsasları və kartoqrafik rəsmxət fənləri tədris olunur.
Kafedranın əməkdaşları tədris işi ilə yanaşı, müasir tələblərə cavab verən, istehsalatla,
həyat və məişətlə bağlı elmi problemlərlə də məşğuldurlar. Burada Lənkəran – Talış,
Quba – Xaçmaz, Abşeron – Qobustan fiziki-coğrafi rayonlarının, Böyük Qafqazın cənub
yamacının fiziki-coğrafi xüsusiyyətləri, təbii ehtiyatlarının tətbiqi və təsərrüfat
məqsədi ilə istifadə yolları kimi kompleks problemlərlə bağlı elmi-tədqiqat işi
aparılmışdır.
Son dövrlərdə kafedranın maddi-texniki bazası daha da zəngindləşdirilmiş, laboratoriyaların
sayı artırılmış, yeni kabinələr yaradılmış, cihazlar, xəritələr, tablolar, diopozitvlər,
kino-qurğular, tədris flimləri və s. alınmış, tədrisin keyfiyyəti xeyli yüksəldilmiş,
gənc kadrlar işə cəlb edilmişdir.
Prof. Ş.G.Həsənovun çoxillik elmi yaradıcılığında təbiətin mühafizəsi, ekoloji problemlər
və onun tarazlığının pozulmasında antropogen amillərin rolu, təbii ehtiyatlardan
səmərəli istifadə olunması yolları kompleks şəkildə tədqiq edilmişdir. Prof. Ş.G.Həsənov
təkcə respublikamızda deyil, onun hüdudlarından kənarda da yüksək ixtisaslı xarici
ölkə mütəxəssislərinin yetişdirilməsinə xeyli əmək sərf etmişdir. Birmada işlədiyi
dövrdə onun təşəbbüsü ilə Patris Lumumba adına Xalqlar Dostluğu Universitetinə 10
nəfər birmalı gənc oxumağa göndərilmiş onlardan iki nəfəri aspiranturada təhsilini
davam etdirmiş, namizədlik dissertasiyası (Ş.G.Həsənovun rəhbərliyi altında) müdafiə
edərək vətənə qayıtmışdır.
Kafedranın aparıcı tədqiqat sahələrindən biri də geomorfologiyadır. Respublikamızda
geomorfoloqların əldə etdiyi mühüm nailiyyətlərdən biri Xəzər dənizinin dibinin
və sahillərinin dinamikasının inkişaf qanunauyğunluqlarının tədqiqidir. Bu işdə
kafedranın əməkdaşı prof. X.Ə.Vəliyevin böyük xidmətləri vardır.
Kafedranın dosenti O.M.Rzayev (Oqtay Rza) neft və qaz geologiyasına dair onlarla
elmi və elmi-kütləvi məqalələrin, iki hissədən ibarət «Geologiyanın əsasları» dərsliyinin
müəllifidir. Dövri mətbuat səhifələrində və teleradio verilişlərində geoloji-meneroloji
səpgidə çıxışları ilə tanınan Oqtay Rza ədəbi yaradıcılıqla da məşğuldur. O, Azərbaycan
Yazıçılar Birliyinin üzvü, «Qızıl qələm» mükafatı laureatıdır.
Dos. A.Əzizbəyova 30 ilə yaxın kafedrada çalışmışdır. Onun dos. O.Rza ilə birlikdə
çap etdirdiyi «Geologiyadan çöl təcrübələrinin aparılmasına dair» metodiki göstərici
bu gün də maraq doğurur. Məktəb coğrafiyası bir çox konkret elmlərin (geomorfologiya,
iqlimşünaslıq, meteorologiya, hidrologiya, okeanologiya, torpaqşünaslıq, əhali coğrafiyası,
kartoqrafiya, topoqrafiya və s.) pedaqoji proyeksiyasıdır. Bu cəhətdən kafedranın
dosentləri Z.Əfəndiyev, Ə.Hüseynov və A.Hüseynovun kartoqrafiya və topoqrafiya ilə
bağlı dərslik və dərs vəsaitlərinin hazırlanmasında təqdirəlayiq xidmətləri olmuşdur.
Ümumi coğrafiya kafedrasında tədris olunan fənlərdən biri də toponomikadır. Kafedranın
əməkdaşı S.Mirmahmudovanın «Ermənistanın oykonimləri» adlı əsəri mühüm elmi tədqiqat
işidir. A.Z.İsmayılova akademik B.Ə.Budaqovun rəhbərliyi ilə «Dağlıq Qarabağın toponimləri»
mövzusunda namizədlik dissertasiyası müdafiə etmişdir. Türkdilli xalqların yaşadıqları
ərazilərin toponimlərini öyrənmək sahəsində c.e.n. A.İsmayılovanın da maraqlı tədqiqatları
var.
Dos. Y.Q.Əliyevin Kiçik Qafqazda apardığı morfostrukturların inkişaf tarixi, mənşəyi,
məkanca yerləşmə xüsusiyyətləri elmi-tədqiqat işlərinin nəticələri iri miqyaslı
xəritələrdə və nəşr olunmuş elmi əsərlərdə öz əksini tapmışdır. O, hazırda «Kiçik
Qafqazın konstruktiv geomorfologiyası» (Azərbaycan dilində) mövzusunda doktorluq
dissertasiyasını tamamlamaq üzrədir.
İki dərs vəsaitinin və 40-dan çox elmi məqalənin müəllifidir.
Dos. M.C.Əliyev coğrafiyanın fəlsəfi məsələləri ilə məşğul olur. Onun ekoloji situasiya
və ekoloji şüura dair onlarla məqaləsi dövri mətbuat səhifələrində dərc edilmişdir.
Onun dos.A.H.Əliyev və başqaları ilə birlikdə yazdığı «Materiklərin torpaq örtüyü,
torpaq ehtiyatları, mühafizəsi və onların eroziyadan qorunmasının bəzi problemləri»
(2006) adlı dərs vəsaiti maraq doğurur.
Kafedra əməkdaşları elmi tədqiqatların nəticəsi əsasında dərslik, dərs vəsaiti,
monoqrafiya, metodiki göstəriş və yeni proqramlar hazırlayırlar. Son illərdə prof.
X.Vəliyev və dos. Y.Əliyevin «Ali məktəblərə daxil olan abituriyentlər üçün coğrafiyadan
vəsait», «Xəzərin sahillərin təbiəti və ekologiyası», prof.Ş.G.Həsənov və dos. M.Əsgərovanın
«Torpaq coğrafiyası torpaqşünaslığın əsasları» (iki cilddə), prof. X.Vəliyevin «Xəzər
sahillərinə səyahət», «Xəzərin Azərbaycan sahillərinin geomorfologiyası və dinamikası»,
prof. Ş.Həsənovun «Azərbaycanın torpaq ehtiyatları, onların səmərəli istifadə olunması
və qorunması», «Torpaq nədir?», «731 gün Birmada», dos. N.Uluxanlının «Azərbaycanda
üzümün becərilməsinin aqroiqlim şəraiti və ehtiyatları» kimi monoqrafiyaları çap
edilmiş, torpaq coğrafiyası, meterologiya və iqlimşünaslıq, geomorfologiya, topoqrafiya,
geologiya fənlərindən çöl təcrübələrinin aparılmasına dair metodiki göstərişlər
işlənib hazırlanmışdır.
Hazırda kafedrada 13 nəfər (2 elmlər doktoru, professor, 6 elmlər namizədi, dosent,
3 elmlər namizədi, baş müəllim, 2 baş müəllim, 1 elmlər namizədi, müəllim): professorlar
Ş.G.Həsənov, X.Ə.Vəliyev, dosentlər: M.C.Əliyev, (kafedra müdiri – dekan), Y.Q.Əliyev,
O.M.Rzayev, A.Z.İsmayılov, N.D.Uluxanlı, M. M.Əsgərova, baş müəllimlər: F.A.Həsənli,
H.H.Əsgərova, A.P.Məmmədov və Ə.B. İmaməliyev çalışırlar.
Yaradıcı Kollektiv
|
|
|
|
|
|
|
|
|