|
|
Azərbaycan Dövlət Pedaqoji Universitetinin Coğrafiya, Çağırışaqədər
Hazırlıq Fakültəsinin - Fiziki Coğrafiya Kafedrasının Web Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Coğrafiya, Çağırışaqədər
Hazırlıq Fakültəsinin - Fiziki Coğrafiya Kafedrasının Web Səhifəsində salamlayaraq
hamınıza - "XOŞ GƏLDİNİZ!" deyirəm.
Coğrafiya, Çağırışaqədər Hazırlıq Fakültəsinin - Fiziki Coğrafiya Kafedrasının Web
Səhifəsi Sizin xidmətinizdədir. Arzu və istəklərinizi, sizi düşündürən məsələləri,
sualları geography_physiography@aspu.az elektron poçt ünvanı ilə bizə
çatdıra bilərsiniz.
Coğrafiya, Çağırışaqədər Hazırlıq Fakültəsinin - Fiziki Coğrafiya Kafedrasının Web
Səhifəsi Azərbaycanın ali pedaqoji təhsil tarixi ilə maraqlanan tədqiqatçılar, müəllimlər,
tələbə və geniş oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Coğrafiya, Çağırışaqədər Hazırlıq Fakültəsinin - Fiziki Coğrafiya Kafedrasının
Müdiri,
dos. A.H.Əliyev
|
|
|
|
|
UNİVERSİTETİN COĞRAFİYA, FİZİKİ TƏRBİYƏ VƏ GƏNCLƏRİN
ÇAĞIRIŞAQƏDƏR HAZIRLIQ FAKÜLTƏSİ - Fiziki Coğrafiya Kafedrası
Kafedra 1966-cı ildə təşkil olunmuşdur.
Ona əvvəl əməkdar elm xadimi, prof. N.K. Kərimov (1966-1973), sonrakı illərdə prof.
R.V.Tarverdiyev (1973-1983), dos. V.N.Nəbiyev (1984-1989), dos. B.S.Cəfərov (1989-1998)
rəhbərlik etmişlər.
1998-ci ildən kafedraya dos. A.H.Əliyev başçılıq edir.
Kafedranın üzvləri pedaqoji işlə yanaşı, respublikamızın müxtəlif regionlarının
və Xəzər dənizinin dibinin təbii ehtiyatlarının səmərəli istifadə olunması və mühafizəsi
problemlərinin tədqiqi ilə məşğul olurlar.
Prof. N.K.Kərəmovun (1983-cü ildə vəfat etmişdir) Azərbaycanda fiziki cografiyanın,
xüsusilə landşaftşünaslıq elminin inkişafında böyük xidməti vardır. Əsərləri əsasən
Böyük Qafqazın landşaftlarına, təbii komplekslərin yüksəklik zonallıgına həsr edilmişdir.
O, A.A.Bakıxanov və H.Z.Şirvanidən bəhs edən qiymətli monoqrafiyaların müəllifidir.
«H.Z.Şirvaninin həyat yolu» və «A.A.Bakixanov-Qüdsinin səyahətləri» elmi kütləvi
kitabçaları Moskvada (1980) nəşr olunmuşdur. Prof. R.V.Tarverdiyevin (1983-cü ildə
vəfat etmişdir) əsas tədqiqatları Azərbaycanın gölləri və su anbarlarının hidroloji
xüsusiyyətlərinə aiddir. O, «Mingəçevir su anbarının lilləşməsi», «Azərbaycan daxilində
Böyük Qafqazın gölləri» monoqrafiyalarının və çox sayda elmi məqalələrin müəllifidir.
Kafedranın müdiri dos. A.H.Əliyevin 100-ə qədər elmi-metodik məqalələri vardır.
Bundan başqa dos. A.H. Əliyevin «Torpaq coğrafiyası», «Torpaqşünaslığın əsasları»
(1995), «Materiklərin və okeanların fiziki coğrafiyası» I hissə (2004), «Materiklərin
və okeanların fiziki coğrafiyası» II hissə (2005) «Materiklərin torpaq örtüyü, torpaq
ehtiyatları, mühafizəsi və onların eroziyadan qorunmasının bəzi problemləri» (2006)
adlı dərslikləri, «Afrikanın fiziki coğrafiyası» (1992), «Avstraliya və okeanların
fiziki coğrafiyası» (1993), «Antraktidanın fiziki coğrafiyası» (1993) dərs vəsaitləri
və bir neçə elmi-metodik kitabçaları nəşr olunmuşdur. «Torpaqların eroziyadan qorunmasının
bəzi problemləri» (1991), «Təbiətin mühafizəsi və ekoloji vəziyyət» (1992), «Yarğan
eroziyası və ona qarşı mübarizə tədbirləri» (1993), «Azərbaycanda yarğan eroziyası
və onun əsas inkişaf amilləri» (1992) adlı əsərləri elmi-metodik xarakter daşıyır.
Dos. B.S.Cəfərovun «Avrasiya materikinin təbii şəraiti (1991), dos.V.N.Nəbiyev və
dos. F.H.Baxmalovun «Cənubi Amerikanın fiziki coğrafiyası (1991) əsərlərindən tədris
prosesində istifadə olunur.
Dos. B.S.Cəfərov elmi tədqiqatla yanaşı, elmi-metodik vəsait hazırlanmasında fəal
iştirak edir. Onun «Kiçik Qafqaz çay hövzələrinin su balansı» «Azərbaycanın çayları,
gölləri və su anbarları» monoqrafiyaları «Azərbaycanın fiziki coğrafiyası» adlı
dərs vəsaitləri bir neçə metodik göstəriş və tədris proqramları nəşr olunmuşdur.
Dos. T.X.Zülfüqarov, dos. F.H.Baxmalov və dos. A.İbrahimov Xəzər dənizinin fiziki
coğrafiyası ilə əlaqədar ciddi elmi mövzular üzərində tədqiqat aparırlar. Azərbaycannın
dağlıq əraziləri landşaftlarının diferensiyasının tədqiqində dosentlərdən – V.N.Nəbiyev
(1998-ci ildə vəfat etmişdir), F.A.Hüseynova və N.S.Süleymanovanın əməyi böyük olmuşdur.
1973-1983-cü illərdə kafedrada 12 nəfər professor müəllim çalışırdı. Onlardan N.Kərimov,
R.Tarverdiyev, V.Nəbiyev, C.İslamov, F.Baxmalov və M.Hacıyev vəfat etmişlər.
Hazırda kafedrada 6 nəfər dos. A.H.Əliyev (kafedra müdiri), dos. B.S.Cəfərov, dos.
T.X.Zülfüqarov, dos. A.S.İbrahimov, dos. F.A.Hüseynova və dos. N.S.Süleymanova çalışırlar.
Yaradıcı Kollektiv
|
|
|
|
|
|
|
|
|