|
|
Azərbaycan Dövlət Pedaqoji Universitetinin Tarix Fakültəsinin - Türk
və Şərqi Avropa Tarixi və Tarixin Tədrisi Metodikası Kafedrasının Web Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Tarix Fakültəsi
- Türk və Şərqi Avropa Tarixi və Tarixin Tədrisi Metodikası Kafedrasının Web Səhifəsində salamlayaraq hamınıza - "XOŞ GƏLDİNİZ!"
deyirəm.
Tarix Fakültəsi - Türk və Şərqi Avropa Tarixi və Tarixin Tədrisi Metodikası Kafedrasının Web Səhifəsi Sizin xidmətinizdədir.
Arzu və istəklərinizi, sizi düşündürən məsələləri, sualları history_methodology@aspu.az
elektron poçt ünvanı ilə bizə çatdıra bilərsiniz.
Tarix Fakültəsi - Türk və Şərqi Avropa Tarixi və Tarixin Tədrisi Metodikası Kafedrasının Web Səhifəsi Azərbaycanın ali pedaqoji
təhsil tarixi ilə maraqlanan tədqiqatçılar, müəllimlər, tələbə və geniş oxucu auditoriyası
üçün daha da maraqlıdır.
Odur ki, elektron məktublarınızı səbirsizliklə gözləyirik.
Tarix Fakültəsi - Türk və Şərqi Avropa Tarixi və Tarixin Tədrisi Metodikası
Kafedrasının Müdiri,
prof.O.B.Sultanov
|
|
|
|
|
UNİVERSİTETİN TARİX FAKÜLTƏSİ - Türk və Şərqi Avropa
Tarixi və Tarixin Tədrisi Metodikası Kafedrası
Kafedra SSRİ tarixi kafedrasının bazası əsasında 1992-ci ildə təşkil olunmuşdu.
1930-cu ildə Azərbaycan Dövlət Pedaqoji İnstitutu müstəqil təhsil ocağı kimi yenidən
təşkil edilən zaman, onun ilk kafedralarından olan SSRİ tarixi kafedrasına 1930-1937-ci
ildə prof. B.N.Tixomirov, 1938-1941-ci illərdə dos. Ə.B.Şükürzadə, 1943-1945-ci
illərdə dos. C.Ə.Rəhimov, 1945-1947-ci illərdə prof. C.M.İbrahimov, 1975-1981-ci
illərdə prof. İ.M.Həsənov, 1981-1992-ci illərdə prof. Ş.Ə.Sadıqov rəhbərlik etmişdir.
Azərbaycan Dövlət Pedaqoji İnstitutunun Türk, Şərqi Avropa, Qafqaz xalqları tarixi
və tarixin tədrisi metodikası kafedrasına 1992-1994-cü illərdə prof. Ş.Ə.Sadıqov,
1994-1999-cu illərdə prof. D.H.Qüdrətov rəhbərlik etmişdir. 1999-cu ildən kafedraya
prof.O.B.Sultanov rəhbərlik edir.
XX əsrin 40-50-ci illərdə kafedrada çalışan yüksək ixtisaslı kadrlar – dos. C.Ə.Rəhimov,
Ə.B.Şükürzadə, dos. C.M.İbrahimov, dos. Y.Y.Ələsgərov, dos. İ.Q.Şükürzadə, dos.
Ş.Ə.Sadıqov, dos. Ə.K.Dilbazov, dos. A.B.Əliyev tarix elminin inkişafında və pedaqoji
kadrların hazırlıanmasında əvəzsiz xidmət göstərmişlər. 1959-1962-ci illərdə dos.N.A.Paşayev,
dos. N.İ.Əlizadə, Ə.Ş.Şahmirov, Ə.Y.Süleymani, 60-cı illərin sonu 70-ci illərin
əvvəlində prof.İ.M.Həsənov və dos.M.N.Salahovun kafedraya işə dəvət edilməsi onun
elmi-pedaqoji potensialını daha da möhkəmləndirdi.
Kafedranın üzvləri tədris-pedaqoji fəaliyyətlə yanaşı, elmi-tədqiqat sahəsində də
uğurlar qazanmışlar. 50-70-ci illərdə kafedranın əməkdaşları Y.Y.Ələsgərov, Ş.Ə.Sadıqov,
A.P.Əliyev, Ə.K.Dilbazov, N.İ.Əlizadə, İ.Q.Şükürzadə, Ə.Ş.Şahmirov, Ə.Y.Süleymani,
K.Ş.İbrahimov namizədlik; dos.C.M.İbrahimov, dos.İ.M.Həsənov, dos.Ş.Ə.Sadıqov, dos.D.H.Qüdrətov
müvəffəqiyyətlə doktorluq dissertasiyası müdafiə etmişlər.
Prof.Ş.Ə.Sadıqovun «Zaqafqaziya sovet respublikalarının əlaqələri haqqında (1920-1921-ci
illər)» (1960), «SSRİ-nin təşkili» (1961), «Müharibədən sonrakı illərdə Zaqafqaziya
sovet respublikalarının əməkdaşlığı» (1965), prof.Ə.Ş.Şahmirovun «Azərbaycanda yod-brom
sənayesinin tarixinə dair» (1968), «Azərbaycanda kimya sənayesinin tarixindən» (1971),
prof. D.H.Qüdrətovun «Sovet respublikaları arasında dostluq və əməkdaşlıq», «Kommunizm
quruculuğu dövründə sovet xalqları arasında əməkdaşlıq» (1965), «Dostluq, əməkdaşlıq
və b. nailiyyətlər» (1968), «Sosializm quruculuğu dövründə Azərbaycanın qardaş sovet
respublikaları ilə iqtisadi və mədəni əməkdaşlığı» (1970) dövründə Azərbaycanın
RSFSR-lə mədəni əməkdaşlığı” (1985), R.Ə.Əliyevin “Azərbaycanın Gürcüstan və Ermənistanla
elmi və mədəni əlaqələri (1966-1975-ci illər), S.X.Məmmədovanın ”Azərbaycanın Özbəkstanla
iqtisadi və mədəni əməkdaşlığı (1971-1980-ci illər)” (1986), P.Ş.Səfərovun «Azərbaycanın
qardaş sovet respublikaları ilə iqtisadi və mədəni əməkdaşlığı. Naxçıvan MSSR-ın
materialları əsasında. (1971-1985-ci illər)», prof. M.N.Salahovun “Sosializmin inkişafı
dövründə Azərbaycanda ali təhsil (1945-1980-ci illər)” adlı doktorluq dissertasiyası
(1990), APİ-nin tarixinə dair Ş.Sadıqov və H.S.Əzimovla «Azərbaycan Dövlət Pedaqoji
İnstitutu 50 ildə» (1972), «Pedaqoji kadrlar ocağı» (1975), A.M.Qurbanov və Ş.Ə.Sadıqovla
birlikdə müəllifi olduğu «Azərbaycanın ilk pedaqoji institutu» (1981) adlı yubiley
nəşrləri, «Azərbaycanda ali təhsil: tarix, problemlər, perspektivlər» (1990) monoqrafiyaları
və vəsaitləri bu gün də elmi dəyərini saxlayır.
Prof. O.B.Sultanovun “XX əsrin 80-ci illərinin sonu, 90 illərinin əvvəllərində siyasi
mübarizə” (1996) mövzusundakı doktorluq dissertasiyası “Xocalı faciəsi əsrin soyqırımıdır”
(1995) əsəri elmi və praktiki cəhətdən yüksək qiymətə layiqdir. Dosentlər Q.Bəşirov,
S.M.Seyidova, İ.Mahmudov, A.Piriyevanın namizədlik dissertasiyaları, monoqrafiya
və məqalələri müvafiq problemlərin obyektiv işıqlandırılmasına xidmət edir.
Tarixin tədrisi metodikası üzrə dosentlər T.F.İskəndərov, M.M. Əmirov və E.C.Qasımovanın
tədqiqatları yeni təlim texnologiyalarının və üsullarının təhlili və ümumiləşdirilməsi
baxımından əhəmiyyətlidir.
Bakalavr və magistratura pillələrindən ibarət təhsil sisteminə keçidlə əlaqədar
olaraq, kafedranın tədris yükü yeni ixtisas fənləri ilə zənginləşdirilmişdir. “Türk
xalqları tarixi”, “Şərqi Avropa xalqları tarixi”, “Qafqaz xalqları tarixi”, “Ümumtürk
dövlətçilik tarixi”, “Türk ictimai fikir tarixi” və digər fənlərin tədrisi təşkil
edilmişdir. Respublikanın ali pedaqoji məktəblərində ilk dəfə tədrisinə başlanılan
və hələlik yeganə olan “İnteraktiv təlim üsulları” fənni öyrənilməyə başlanmışdır.
Kafedrada tarixin tədris metodikası, insan və cəmiyyət fənlərinin tədrisi ilə əlaqədar
bir sıra dərs vəsaiti, tədris-metodik ədəbiyyat nəşr olunmuşdur. Bunlardan dos.
M.Əmirovun «Azərbaycan Respublikası Konstitusiyasının əsasları» (1996), «Tarixin
tədrisində şagirdlərin müstəqil işlərinin təşkili» (2000), «Tarix təliminin metodikası»
(2000); dos. T.F.İskəndərovun «Tarixin tədrisi metodikasından kurs işlərinin yazılması»
(1995), «Ümumtəhsil məktəblərində Azərbaycan Demokratik Respublikası mövzusunun
tədrisinə dair» (1995), «Tarix fakültəsi tələbələrinin pedaqoji təcrübəsi» (1996)
tədris-metodik göstərişləri təlimin və pedoqoji təcrübənin səmərəli təşkili və keçirilməsinə
kömək edən metodik vəsaitlərdir.
Kafedranın respublikanın ali məktəbləri və elmi tədqiqat müəssisələri ilə yaradıcılıq
əlaqələri gündən-günə genişlənməkdədir. Prof.O.B.Sultanovun da müəllifi olduğu,
kollektiv redaksiya heyəti tərəfindən hazırlanan, Bakı Dövlət Universitetində 1998-ci
ildə çap olunan ali məktəblər üçün “Siyasi tarix. II hissə”, Respublika təhsil nazirinin
bilavasitə tövsiyəsi ilə redaksiya heyyətinə daxil edilmiş prof. O.B.Sultanov və
kafedranın təcrübəli metodisti R.Z.Xəlilovun iştirakı ilə ümumtəhsil məktəblərinin
VIII-IX sinifləri üçün hazırlanmış “İnsan və Cəmiyyət” dərslikləri əməkdaşlığın
formalarından biridir.
Prof. O.B.Sultanov Azərbaycan Milli Elmlər Akademiyasının A.A.Bakıxanov adına Tarix
İnstitutu və Akademiyanın Naxçıvan bölməsi nəzdindəki İxtisaslaşdırılmış Müdafiə
Şuralarının üzvü, D.H.Qüdrətov isə Azərbaycan Respublikası Prezidenti yanında İdarəetmə
Akademiyası nəzdindəki Şuranın üzvüdür.
2000-2006-cı illər kafedranın fəaliyyət tarixinə beynəlxalq əlaqələrinin əsasının
qoyulduğu və inkişaf etdirildiyi dövr kimi daxil olmuşdur.
2005-2006-cı illərdə kafedranın müdiri prof. O.B.Sultanov Fransa və Türkiyəyə elmi
yaradıcılıq dəvəti almışdır. Onun Türkiyədə “Avropa Birliyi və müasir dünyanən inkişaf
meyilləri” mövzusunda beynəlxalq konfransda eyniadlı məruzəsi rəğbətlə qarşılanməş
və konfransın materiallarında çap olunmuşdur.
Milli təhsilin beynəlxalq standartlara uyğun formalaşdırılmasının zəruriliyi nəzərə
alınaraq, 2OO2-ci ildə kafedranın nəzdində «Tarix resurs mərkəzi» yaradılmışdır.
Dos. S.Seyidova ingilis dilini bilən mütəxəssis kimi ABŞ departamentinin müvafiq
layihəsi üzrə 3 ay müddətinə Vaşinqton şəhərinə ezam edilmişdir.
1992-2006-cı illərdə kafedrada 1 doktorluq, 5 namizədlik dissertasiyası yerinə yetirilmişdir.
20-dən artıq magistr hazırlanmışdır.
Hazırda kafedrada 3 professor – O.Sultanov, D.Qüdrətov, M.Salahov, 6 dosent – S.Məmmədova,
M.Əmirov, R.Əliyev, S.Seyidova, T.İskəndərov, P.Səfərov, 5 baş müəllim – R.Xəlilov,
E.Qasımova, Q.Bəşirov, O.Sadıqzadə, A.Piriyeva, 3 müəllim – İ.Quliyev, T.İsayeva,
S.Həziyeva çalışır.
Yaradıcı Kollektiv
|
|
|
|
|
|
|
|
|