|
|
Azərbaycan Dövlət Pedaqoji Universitetinin Riyaziyyat Fakültəsinin Web
Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Riyaziyyat Fakültəsinin
Web Səhifəsində salamlayaraq hamınıza - "XOŞ GƏLDİNİZ!" deyirəm.
Riyaziyyat Fakültəsinin Web Səhifəsi Sizin xidmətinizdədir. Arzu və istəklərinizi, sizi
düşündürən məsələləri, sualları mathematics@aspu.az elektron poçt ünvanı
ilə bizə çatdıra bilərsiniz.
Riyaziyyat Fakültəsinin Web Səhifəsi Azərbaycanın ali pedaqoji təhsil tarixi ilə maraqlanan
tədqiqatçılar, müəllimlər, tələbə və geniş oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Riyaziyyat Fakültəsinin Dekanı,
dos. M.A.Nəcəfov
|
|
|
|
|
Riyaziyyat fakültəsi 1921-ci ildən fəaliyyət göstərir.
Şöbə kimi fəaliyyətə başlayan fakültənin ilk dekanı M.R.Əfəndiyev olmuşdur. 9 nəfərlə
fəaliyyətə başlayan fakültə sonradan respublikamız üçün riyaziyyat və fizika müəllimləri
hazırlayan əsas baza olmuşdur. Fakültə 1969-cu ildə ayrılaraq müstəqil riyaziyyat
və fizika fakültələrinə çevrildi.
Riyaziyyat fakültəsinin dekanı vəzifəsində müxtəlif illərdə prof. Ə.S.Cəfərov, prof.
Y.C.Salmanov, prof. Ə.M.Məmmədov, prof. Ş.Ş.Vəkilov, prof. Q.A.Orucov, dos. F.S.Abdullayev,
dos. C.M.Süleymanov, dos. Ş.A.Məmmədov çalışmışlar.
2001-ci ildən fakültənin dekanı dos. M.A.Nəcəfovdur.
Görkəmli riyaziyyatçılar: akademiklərdən İ.İbrahimov, Ə.Hüseynov, F.Maqsudov, Z.Xəlilov,
Q.Əhmədov, M.Rəsulov, M.Cavadov və başqaları fakültənin formalaşmasında, onun elmi
potensialının artmasında və yüksək ixtisaslı elmi kadrların hazırlanmasında mühüm
rol oynamışlar.
Riyaziyyat fakültəsində 9 nəfər elmlər doktoru, professor, 41 elmlər namizədi, dosent,
8 nəfər baş müəllim, 13 nəfər müəllim və assistent çalışır.
Hazırda fakültənin əyani və qiyabi şöbələrində 970 tələbə təhsil alır, onlardan
593 nəfər əyani şöbədə, 377 nəfəri isə qiyabi şöbədə oxuyur. Fakültədə riyaziyyat,
riyaziyyat-informatika ixtisasları üzrə mütəxəssis hazırlanır.
Fakültənin Müstəqil Dövlətlər Birliyinin elmi mərkəzləri ilə, o cümlədən Rusiya
EA-nın Riyaziyyat İnstitutu, Novosibirsk, Kiyev, Tula Universitetləri ilə geniş
əlaqələri vardır.
Riyaziyyat fakültəsində 5 ixtisas üzrə magistratura fəaliyyət göstərir. İlk dəfə
magistrarturaya (1997-ci ildə) 5 nəfər tələbə qəbul olunmuşdu. Hazırda fakültədə
24 magistr təhsil alır.
Magitsrlərin dissertasiyalarının yüksək səviyyədə hazırlanmasında onların elmi rəhbərlərinin
böyük rolu vardır.
Fakültədə beş kompüter sinfi fəaliyyət göstərir. Bu kompüterlərin internetə çıxışı
təmin olunmuşdur. Fakültənin müəllimləri və magistrləri bu imkanlardan istifadə
edərək, müxtəlif universitetlərin və elmi mərkəzlərin iş təcrübəsi ilə tanış olurlar.
Müxtəlif elektron kitabxanalardan və digər açıq informasiya resurslardan faydalanır,
öz elmi-metodiki səviyyələrini yüksəldirlər.
Fakültədə elmi-metodiki seminar fəaliyyət göstərir.
Fakültədə 5 ixtisas kafedrası və 5 tədris laboratoriyası fəaliyyət göstərir.
Bunlar: «Riyazi analiz», «Funksiyalar nəzəriyyəsi», «Cəbr və həndəsə», «Hesablama
riyaziyyatı və informatika», «Riyaziyyat və onun orta məktəbdə tədrisi metodikası»
kafedralarıdır.
Fakültədə fəaliyyət göstərən 5 ixtisas kafedrasının dördünün müdirləri riyaziyyat
fakültəsinin məzunlarıdır: f.r.e.d., prof. M.C.Cəbrayılov, n.e.d., prof. A.S.Adıgözəlov,
f.r.e.n., dos. Y.R.Baxşəliyev, f.r.e.n., dos. Z.Ə.Tağıyeva.
Yaradıcı Kollektiv
|
|
|
|
|
Riyazi Analiz Kafedrası
"Mathematical Analysis Department Page"
Cəbr və Həndəsə Kafedrası
"Algebra
and Geometry Department Page"
Hesablama Riyaziyyatı və İnformatika Kafedrası
"Computational
Mathematics and Informatics Department Page"
Funksiyalar Nəzəriyyəsi Kafedrası
"Theory
of Functions Department Page"
Riyaziyyat və onun Tədrisi Metodikası Kafedrası
"Methodology
Mathematics Department Page"
Əməkdaşlar
"Personals
Page"
Elmi Əsərlər və Məqalələr
"Publications
Page"
Məzunlar
"Graduates
Page"
|
|
|
|
|
|
|
|
|