|
|
Azərbaycan Dövlət Pedaqoji Universitetinin Filologiya Fakültəsinin Web
Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Filologiya Fakültəsinin
Web Səhifəsində salamlayaraq hamınıza - "XOŞ GƏLDİNİZ!" deyirəm.
Filologiya Fakültəsinin Web Səhifəsi Sizin xidmətinizdədir. Arzu və istəklərinizi, sizi
düşündürən məsələləri, sualları philology@aspu.az elektron poçt ünvanı
ilə bizə çatdıra bilərsiniz.
Filologiya Fakültəsinin Web Səhifəsi Azərbaycanın ali pedaqoji təhsil tarixi ilə maraqlanan
tədqiqatçılar, müəllimlər, tələbə və geniş oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Filologiya Fakültəsinin Dekanı,
prof. H.B.Balıyev
|
|
|
|
|
Ali Pedaqoji İnstitut yarandığı vaxtdan burada fəaliyyət göstərən
şöbələrdən biri tarix-ədəbiyyat olmuşdur. Bu şöbə 1925/1926-cı dərs ilindən tarix
və ədəbiyyat şöbələrinə ayrılmışdır. 1933-cü ildən müstəqil dil-ədəbiyyat fakültəsi
kimi fəaliyyətə başlamışdır.
Fakültənin əsas kafedrası da dil və ədəbiyyat adlanmışdır. Kafedra müdiri vəzifəsini
uzun müddət dos. Əli Nazim yerinə yetirmişdir.
1933/34-cü tədris ilindən tələbə kontingentinin və müəllim heyətinin artması fakültənin
genişlənməsinə səbəb olmuşdur. Dil və ədəbiyyat kafedrasının bazası əsasında üç
müstəqil kafedra: Azərbaycan ədəbiyyatı tarixi, dilçilik və ümumi ədəbiyyat tarixi
təşkil edilmişdir.
Fakültə yaranandan ona nüfuzlu alimlər rəhbərlik etmişlər. İlk dekanı prof. B.V.Çobanzadə
olmuş, sonrakı illərdə kollektivə prof. A.S.Abdullayev (1939-1941), prof. M.H.Rəfili
(1943-1945), baş müəllim C.F.Bağırov (1945-1947), dos. İ.R.Əfəndiyev (1947-1952),
dos. S.M.Əfəndiyev (1952-1957) rəhbərlik etmişlər. ADPİ-nin 5 illik təhsilə keçməsi
ilə əlaqədar (1956) müstəqil tarix və dil-ədəbiyyat fakültələri təşkil edilmişdir.
Lakin bir neçə il keçməmiş yenidən bu fakültələr birləşdirilmişdir.
Dil-ədəbiyyat fakültəsinə dekan vəzifəsinə dos. A.Ə.Hüseynov (1957-1961), birləşəndən
sonra isə dos. Ş.Ə.Sadıqov (1961-1964) seçilmişdir.
Tarix-filologiya fakültəsi 1964/65-ci tədris ilindən yenidən müstəqil fakültəyə
ayrılmış və bundan sonra filologiya fakültəsinə prof. A.M.Qurbanov (1968-1981),
prof. F.Q.Fərhadov (1981-1984), prof. P.Ş.Əfəndiyev (1984-1986), dos. B.Muradov
(1986-1989), prof. Q.Ş.Kazımov (1989-1997) rəhbərlik etmişlər. 1997-2006-cı illərdə
fakültəyə tanınmış metodist-alim, prof. H.B.Balıyev rəhbərlik etmişdir.
2006-cı ildən filologiya fakültəsinin dekanı filologiya elmləri doktoru, prof. Buludxan
Xəlilov seçilmişdir.
Fakültənin nəzdində 8 kafedra fəaliyyət göstərir: Azərbaycan dilçiliyi (müdir: Azərbaycan
MEA-nın müxbir üzvü, prof. A.M.Qurbanov), Müasir Azərbaycan dili (müdir: prof. H.İ.Mirzəyev),
Azərbaycan dilinin tədrisi metodikası (müdir: prof. H.B.Balıyev), Azərbaycan və
dünya ədəbiyyatı tarixi (müdir: prof. H.Ə.Qasımov), Folklor və qədim ədəbiyyat (müdir:
prof.T.C.Novruzov), Ədəbiyyatın tədrisi metodikası (müdir: prof. Z.A.Xəlil), Xarici
dillər (müdir: prof. B.Q.Hüseynov), Rus dili (müdir: prof. T.N.Əliyeva).
Fakültənin professor-müəllim heyətinin tərkibində 13 nəfər elmlər doktoru, professor,
1 nəfər əvəzçiliklə elmlər doktoru, professor, 1 nəfər professor əvəzi, elmlər doktoru,
1 nəfər professor, elmlər namizədi, məsləhətçi, 2 nəfər elmlər doktoru, dosent,
34 nəfər elmlər namizədi, dosent, 2 nəfər əvəzçiliklə dosent, elmlər namizədi, 14
nəfər baş müəllim, elmlər namizədi, 8 nəfər müəllim, elmlər namizədi, 49 nəfər müəllim,
2 nəfər aspirant çalışır. Fakültədə 1999/2000-ci tədris ilindən dil və ədəbiyyat
ixtisaslarından əlavə fransız dili, 2001/2002-ci tədris ilindən isə ingilis dili
ixtisasları üzrə müəllimlər hazırlayan şöbə fəaliyyət göstərir. Orada Fransadan
gələn elmi-pedaqoji kadrlar da dərs deyir və tədqiqatla məşğul olurlar.
Fakültədə bu gün 1165 tələbə təhsil alır: 1048 nəfər bakalavr, 117 nəfər magistr.
Onlardan 662 nəfər əyani, 503 nəfər isə qiyabi şöbədə oxuyur. Bakalavr pilləsində
tələbələr üç ixtisasa: Azərbaycan dili və ədəbiyyatı (əyani və qiyabi), ingilis
dili (əyani), fransız dili (əyani), magistraturada isə 8 ixtisasa: Azərbaycan dili,
ümumi dilçilk, ədəbiyyat nəzəriyyəsi, Azərbaycan ədəbiyyatı, foklorşünaslıq və mifologiya,
Azərbaycan dili və ədəbiyyatın tədrisi metodikası, ingilis və fransız dilləri ixtisaslarına
yiyələnirlər.
Bakalavr və magistrlərin yüksək ixtisaslara yiyələnmələri üçün fakültədə hər cür
şərait yaradılmış, yüksək ixtisaslı professor-müəllim heyəti var gücü ilə çalışır.
Aparılan işlər, keçirilən çoxsaylı tədbirlər onların elmlərə yiyələnməsinə, gənc
bir müəllim kimi formalaşmasına xidmət edir. Hər bir gəncin elmi yaradıcılıqla məşğul
olması üçün lazımi şərait yaradılmışdır. Fakültədə Nizami lektoriyası fəaliyyət
göstərir.
«Gənc filoloq» adlı divar qəzeti müntəzəm olaraq çap olunur. «Gənc dilçilər» və
«Gənc ədəbiyyatçılar» adlı iki dərnək fəaliyyət göstərir. Bu dərnəklərə dilimizə
və ədəbiyyatımıza marağı olan tələbələr cəlb olunurlar. Onlar indidən elmin sirlərinə
yiyələnirlər.
Fakültədə tələbə elmi cəmiyyəti (tələbə elmi cəmiyyətinin sədri dos.M.Allahmanlı)
müntəzəm olaraq tələbələrin elmə olan marağını artırmaq istiqamətində işlər görür.
Hər il tələbələrin elmi fəaliyyəti yekunlaşır və seçilən tələbələr müvafiq yerlər
üzrə mükafatlandırılırlar.
Hazırda filologiya fakültəsi Pedaqoji Universitetin kadr potensialına
görə iri fakültələrindəndir. Burada 1165-dən artıq tələbənin
təhsil-tərbiyəsi ilə 200 nəfərdən çox professor-müəllim,
köməkçi tədris işçi məşğul olur.
Filologiya fakültəsi şərəfli bir yol keçmiş, həmişə öz məzunları ilə fəxr etmişdir.
Vaxtilə bu fakültədə təhsil almış yüzlərcə tələbə öz əməli fəaliyyətləri ilə universitetimizə
şərəf gətirmişlər: M.Rahim, M.Dilbazi, C.Xəndan, H.Araslı, O.Sarıvəlli, Əbülhəsən,
M.Cəfər, M.H.Təhmasib, M.C.Paşayev və digərləri.
Yaradıcı Kollektiv
|
|
|
|
|
Azərbaycan Dilçiliyi Kafedrası
"Azerbaijan
Linguistics Department Page"
Müasir Azərbaycan dili Kafedrası
"Modern
Azerbaijan Linguistics Department Page"
Azərbaycan və Dünya Ədəbiyyatı Tarixi Kafedrası
"Azerbaijan
and World Literature History Department Page"
Folklor və Qədim Ədəbiyyat Kafedrası
"Folklore
and Ancient Literature Department Page"
Azərbaycan dili və onun Tədrisi Metodikası Kafedrası
"Azerbaijan Linguistics and Methodology Department Page"
Azərbaycan ədəbiyyatı və onun Tədrisi Metodikası Kafedrası
"Azerbaijan Literature and Methodology Department Page"
Xarici dillər Kafedrası
"Foreign
Languages Department Page"
Rus dili Kafedrası
"Russian Languages Department Page"
Əməkdaşlar
"Personals
Page"
Elmi Əsərlər və Məqalələr
"Publications
Page"
Məzunlar
"Graduates
Page"
|
|
|
|
|
|
|
|
|