|
|
Azərbaycan Dövlət Pedaqoji Universitetinin
Filologiya Fakültəsinin - Azərbaycan Dilçiliyi Kafedrasının Web
Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Filologiya Fakültəsi
- Azərbaycan Dilçiliyi Kafedrasının Web Səhifəsində salamlayaraq hamınıza - "XOŞ GƏLDİNİZ!"
deyirəm.
Filologiya Fakültəsi - Azərbaycan Dilçiliyi Kafedrasının Web Səhifəsi Sizin xidmətinizdədir.
Arzu və istəklərinizi, sizi düşündürən məsələləri, sualları philology_linguistics@aspu.az
elektron poçt ünvanı ilə bizə çatdıra bilərsiniz.
Filologiya Fakültəsi - Azərbaycan Dilçiliyi Kafedrasının Web Səhifəsi Azərbaycanın ali pedaqoji
təhsil tarixi ilə maraqlanan tədqiqatçılar, müəllimlər, tələbə və geniş oxucu auditoriyası
üçün daha da maraqlıdır.
Odur ki, elektron məktublarınızı səbirsizliklə gözləyirik.
Filologiya Fakültəsi - Azərbaycan Dilçiliyi Kafedrasının Müdiri,
Azərbaycan MEA-nın müxbir üzvü, əməkdar elm xadimi, Dövlət mükafatı laureatı, f.e.d.,
prof. Afad Qurbanov
|
|
|
|
|
UNİVERSİTETİN FİLOLOGİYA FAKÜLTƏSİ - Azərbaycan Dilçiliyi Kafedrası
Azərbaycan dilçiliyi kafedrası 1943-cü ildə təşkil olunub.
Kafedraya 1979-cu ilə qədər Azərbaycan EA-nın müxbir üzvü, prof. Əbdüləzəl Dəmirçizadə
rəhbərlik etmişdir.
Prof. Ə.Dəmirçizadə onlarca monoqrafiya və dərsliyin müəllifi olmuşdur. Onun «Azərbaycan
ədəbi dili tarixi xülasələri» (1938), «Axundovun dili və Axundov dil haqqında» (1942),
«Müasir Azərbaycan dilinin fonetikası» (1960), «Azərbaycan dilinin üslubiyyatı»,
(1962), «Azərbaycan ədəbi dil tarixi» (1979, I c.) və s. kitabları çap olunmuşdur.
Kafedraya 1979-cu ildən indiyə kimi Azərbaycan MEA-nın müxbir üzvü, əməkdar elm
xadimi, Dövlət mükafatı laureatı, f.e.d., prof. Afad Qurbanov rəhbərlik edir.
Prof.A.Qurbanov dilçiliyin bir sıra sahələri üzrə elmi-tədqiqat işləri aparmışdır.
Onun «Azərbaycan onomalogiyasının əsasları» monoqrafiyası Dövlət mükafatına layiq
görülmüşdür. Prof. A.Qurbanovun əsas əsərləri: «Ümumi dilçilik» I və II cildlər
(2004), «Müasir Azərbaycan dili», I cild (2003), «Cücəkənd şivəsi» (2001), «Ad və
insan» (2002), «Azərbaycan dilçiliyinin müasir məsələləri» (2002), «Tətbiqi dilçilik
problemləri» (2003), «Dilçiliyin sistemi» «Dilçiliyin tarixi», «Dilçiliyin metodları»,
«Türkoloji dilçilik» və s.
Kafedranın professorlarından N.M.Xudiyev «Azərbaycan ədəbi dilinin lüğət tərkibinin
inkişafı» (1986), «Azərbaycan ədəbi dilinin zənginləşmə yolları» (1987), «Qədim
türk yazılı abidələrinin dilindən seminar məşğələləri» (1988), «Azərbaycan ədəbi
dilinin tarixi» (müəlliflərdən biri -1991), «Tərcümə ədəbiyyatı və ədəbi dilimiz»
(1991), «Anormal uşaqların nitqini necə inkişaf etdirməli?» (1992), «Qədim türk
abidələrinə aid materiallar» (1993), «XV-XVI əsrlər Azərbaycan ədəbi dili» (1994),
«Azərbaycan milli ədəbi dilinin yaranması və inkişafı» (1994), «XX əsr Azərbaycan
ədəbi dili» (1995), «Azərbaycan ədəbi dili tarixi» (1995), «Azərbaycan ədəbi dili
tarirxi» (Ankara, 1997), «Heydər Əliyev və Azərbaycan dili» (1997), «Azərbaycan
ədəbi dili tarixi» (Tehran, 1998), «Radio, televiziya və ədəbi dil» (2001), «Heydər
Əliyev və Azərbaycan dili» (Tehran, 2001) əsərləri ilə Azərbaycan filologiyasını
xeyli zənginləşdirmişdir.
Prof. Ə.Tanrıverdiyevin 10 kitabı,100-dən artıq məqaləsi çap olunub: «Türk mənşəli
Azərbaycan antroponimləri» (1996), «Antroponimı v Azerbaydjanskoy literature (XVII-XIX
vv)» (1999), «Kitabi-Dədə Qorqud»da şəxs adları» (1999), «XVI əsr qıpçaq (poloves)
dilinin qrammatikası» (2000), «Kitabi-Dədə Qorqud» və qərb ləhcəsi» (2002), «Kitabi-Dədə
Qorqud»un obrazlı dili» (2006).
Dos. A.Hüseynovun «Azərbaycan dialektologiyası» adlı vəsaiti 1958 və 1979-cu illərdə
çap edilmişdir. Azərbaycanın Qax, Oğuz, Zaqatala, Balakən rayonlarının bütün kəndlərində
fərdi dialektoloji müşahidələr aparmış və APİ elmi əsərlərində məqalələri və şimal-qərb
şivələrinin lüğətini çap etdirmişdir. O, Azərbaycan SSR Ali Sovetinin «Fəxri fərmanı»na
layiq görülmüşdür.
Dos. B.Sadıqov 1978-ci ildən «Azərbaycan dilçiliyi» kafedrasının dosentidir.
200-dən artıq məqalənin, bir neçə monoqrafiyanın müəllifidir. O, Azərbaycan Aşıqlar
Birliyi və Azərbaycan Yazıçılar Birliyinin üzvüdür.
Dos. Q.Mustafayevanın APİ-nin, ADU-nun elmi əsərlərində, «Sovetskaə turkoloqiə»
jurnalında 100-ə yaxın məqaləsi çap olunmuşdur. 1990-cı ildə «Adların üslubi imkanları»,
2001-ci ildə «Onomastik vahidlərin üslubi - linqvistik xüsusiyyətləri», 2002-ci
ildə «Stilistiçeskie osobennosti liçnıx imen Azerbaydjanskoy literature» adlı kitabları
nəşr olunubdur.
Dos. A.Hacıyevin «Azərbaycan dilinin onomalogiyası» (Bakı, 1990), «Azərbaycan toponimlər
sistemi» (Bakı, 1998), «Böyük siyasətin uğurlu davamı» (Bakı, 2006) kitabları çap
olunmuşdur. Dos. R.Həsənovun üslubiyyata, nitq mədəniyyətinə və dilçiliyin müxtəlif
sahələrinə aid onlarla məqaləsi çap olunmuşdur.
Dos. V.İsrafilovun 3 kitabı, 100-ə qədər məqaləsi işıq üzü görmüşdür.
Dos. N.Əsgərovun «Azərbaycan hidronimləri». Bakı, 2002, «Areal türk onomastik vahidlərinin
linqvistik xüsusiyyətləri». Bakı, 2005 adlı kitabları, dos. M.Hüseynovun «Yazıçının
dili və üslubu», Yerevan, 1981; «Romanın üslub zənginliyi», Bakı, «Yazıçı» nəşriyyatı,
1990 kitabları və 100-dən artıq elmi məqaləsi, filologiya elmləri namizədi H.Hüseynovanın
«S.Vurğunun bədii əsərlərində onomastik vahidlərin linqvistik xüsusiyyətləri» (B,
2001), «Müasir Azərbaycan onomalogiyası məsələləri», «Toponimlərin bəzi nəzəri problemləri»,
20 elmi məqaləsi Azərbaycan filologiyasının zənginləşməsində xeyli rol oynamışdır.
Hazırda kafedrada 13 nəfər (3 elmlər doktoru, professor, 8 elmlər namizədi, dosent,
1 elmlər namizədi, müəllim, 1 müəllim) – professorlar: A.M.Qurbanov (kafedra müdiri),
N.M.Xudiyev, Ə.V.Tanrıverdiyev, dosentlər: A.Ə.Hüseynov, B.P.Sadıqov, R.H.Həsənov,
Q.H.Mustafayeva, A.Ş.Hacıyev (dekan), N.Ə.Əsgərov, V.İ.İsrafilov, M.A.Hüseynov (dekan
müavini), elmlər namizədi, müəllim H.E.Hüseynova, müəllim İ.M.Kərimova çalışırlar.
Yaradıcı Kollektiv
|
|
|
|
|
|
|
|
|