|
|
Azərbaycan Dövlət Pedaqoji Universitetinin Fizika Fakültəsinin -
Elektrik və Optika Kafedrasının Web Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin Fizika Fakültəsi
- Elektrik və Optika Kafedrasının Web Səhifəsində salamlayaraq hamınıza
- "XOŞ GƏLDİNİZ!" deyirəm.
Fizika Fakültəsi - Elektrik və Optika Kafedrasının Web Səhifəsi Sizin
xidmətinizdədir. Arzu və istəklərinizi, sizi düşündürən məsələləri, sualları
physics_electrician@aspu.az elektron poçt ünvanı ilə bizə çatdıra bilərsiniz.
Fizika Fakültəsi - Elektrik və Optika Kafedrasının Web Səhifəsi Azərbaycanın
ali pedaqoji təhsil tarixi ilə maraqlanan tədqiqatçılar, müəllimlər, tələbə və geniş
oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
Fizika Fakültəsi - Elektrik və Optika Kafedrasının Müdiri,
prof. M.İ.Murquzov
|
|
|
|
|
UNİVERSİTETİN FİZİKA FAKÜLTƏSİ - Elektrik və Optika Kafedrası
Kafedra 1976-cı ildən müstəqil fəaliyyət göstərir.
Kafedraya 1982-ci ilə qədər dos. A. A. Məmmədov və prof. K. P.Məmmədov rəhbərlik
etmişdir.
Hazırda kafedraya (1982-ci ildən sonra) prof. M.İ.Murquzov rəhbərlik edir. O, 1981-ci
ildə V.Kansukas adına Vilnus Dövlət Universitetində «Lantanoidlərin iştirakı ilə
mürəkkəb yarımkeçiricilərdə valent elektronların vəziyyəti» mövzusunda doktorluq
dissertasiyası müdafiə etmiş, ilk dəfə atomların fərdi xüsusiyyətlərini nəzərə almaqla
lantanoidlərin iştirakı ilə alınmış mürəkkəb yarımkeçiricilərə ən müasir nəzəri
konfiqurasiya modelini tətbiq edərək maddənin elektron quruluşu ilə xassəsi arasında
bir sıra yeni qanunauyğunluqlar aşkar etmişdir.
Onun 250-dən çox elmi tədqqiqat işi, dərslik, dərs vəsaiti, monoqrafiya və metodik
vəsaitləri çap olunmuşdur. Prof. M.İ.Murquzov dəfələrlə beynəlxalq elmi konfranslarda
məruzələr oxumuşdur. Prof. M.İ.Murquzov kadr hazırlığına da xüsusi diqqət yetirmişdir.
Belə ki, onun rəhbərliyi ilə 8 nəfər – M.Quliyev, O.Həsənov, H.Həsənov, A.Ələkbərov,
C.Hüseynov, S.Musayeva, G.Novruzova, X.Adıgözəlova namizədlik dissertasiyası müdafiə
etmişdir. T.A.Cəfərov isə namizədlik dissertasiyası üzərində işləyir.
Prof. M.İ.Murquzov təhsil sahəsində aparılan islahatların həyata keçirilməsində
yaxından iştirak edir. Onun rəhbərliyi və müəllifliyi ilə ümumtəhsil məktəblərinin
VII-XI sinifləri üçün «Fizika», XI siniflər üçün «Astronomiya» dərslikləri, həmin
dərsliklərə uyğun «İş dəftəri», «Fizikadan məsələlər». VII-XI siniflər», «Fizikadan
laboratoriya praktikumu» yazılmış, ümumtəhsil məktəbləri üçün «Fizika-astronomiya»
fənlərinin dövlət standartı, fənn proqramı və fənnin müasir konsepsiyası hazırlanmışdır.
Prof. M.İ.Murquzov ali məktəb tələbələri üçün yazılmış «Atom fizikası» (2000), Atom
fizikasından laboratoriya praktikumu» (2002, A.S.Ələkbərovla), «Ümumi fizika kursundan
məsələlər: Atom və nüvə fizikası» (2005. C.İ.Hüseynov və T.A.Cəfərovla), «Fiziki
elektronikadan laboratoriya praktikumu» (2004, A.S.Ələkbərov və C.M.Səfərovla) kitabların,
magistr hazırlığı üçün «Yarımkeçiricilər fizikası», «Optik hadisələr fizikası» (2005)
proqramlarının müəllifidir.
Prof. M.İ.Murquzov elmi-pedaqoji fəaliyyəti ilə yanaşı, ictimai əsaslarla Təhsil
Şurasının sədr müavini, Respublika Təhsil Nazirliyinin Elmi-Metodik Şurasının «Fizika»
bölməsinin sədri, məktəblilərin fizika fənni üzrə Respublika Olimpiadasının münsiflər
heyətinin sədri, Tələbə qəbulu üzrə Dövlət Komissiyasında fizika fənni üzrə ekspert
komissiyasının sədri, təhsil sektorunun inkişafı layihəsi çərçivəsində ümumtəhsil
məktəbləri üçün fizika fənninin kurrikulumunu hazırlayan işçi qrupun sədri kimi
geniş fəaliyyət göstərir.
Elmi, pedaqoji, ictimai fəaliyyətləri nəzərə alınaraq 2005-ci ildə prof. M.İ.Murquzova
Azərbaycan Respublikası Prezidenti İ.Əliyevin fərmanı ilə «Əməkdar müəllim» fəxri
adı verilmişdir. Kafedranın inkişafında prof. P.Məmmədov, prof. Ə.Rüstəmov, prof.
M.M.Əliyev, prof. B.A.Haqverdiyev, dos. X.Y.Xəlilov, V.M.Nağıyev, Y.Q.Yusifov və
başqalarının səmərəli xidmətləri olmuşdur.
Hazırda kafedranın əməkdaşları prof. Q.Y.Səfərəliyev, prof. V.İ.Nəsirov, dosentlər:
V.V.Yusifov, İ.Ş.Dadaşov, M.M.Xəlilov, Ə.A.Ələkbərov, R.F.Məmmədova, Ə.N.Quliyev,
baş müəllimlər: C.İ.Hüseynov, A.Ə.Əliyev, C.M.Səfərov, müəllimlər: O.M.Həsənov,
X.A.Adıgözəlova «Lantanoidlərin iştirakı ilə yarımkeçirici materialların alınması
və elektrofiziki xassələrinin tətqiqi» sahəsində elmi tədqiqat işi aparırlar.
Prof. Q.İ.Səfərəliyev 1984-cü ildə Azərbaycan Milli Elmlər Akademiyasının Fizika
İnstitutunda «Aşqarlanmış qalium sürmədə elektron və foton prossesləri» mövzusunda
doktorluq dissertasiyası müdafiə etmişdir. Hazırda yarımkeçiricilər və dielektriklər
fizikası sahəsində elmi işlərini davam etdirir .
Prof. V.İ.Nəsirov 1993-cü ildə Azərbaycan Milli Elmlər Akademiyasının Fizika İnstitutunda
doktorluq dissertasiyası müdafiə etmişdir. Onun 100-ə yaxın elmi məqaləsi və dərs
vəsaitləri nəşr olunmuşdur. Hal-hazırda V.Nəsirov «Kristallarda polimorf çevrilmə
zamanı yeni yaranan fazaların böyümə morfologiyası» sahəsində tədqiqat aparır.
Kafedranın nəzdində 5 tədris (elektrik, optika, atom və nüvə fizikası, yarımkeçiricilər,
rentgenquruluş təhlil ) və 1 problem laboratoriyası (nadir torpaq metallar materiallar
fizikası) fəaliyyət göstərir.
Kafedra əməkdaşlarının bir sıra elmi və metodik kitabları nəşr olunmuşdur. M.İ.Murquzov
«Kvant fizikasından mühazirələr» (1988), M.İ.Murquzov və V.V.Yusifov «Elektrik bəhsi»
(1989), M.İ.Murquzov, Ə. N. Quliyev, İ.Ş.Dadaşov və Q.İ.Səfərəliyev «Yarımkeçiricilərin
elektrik xassələrinin təyininə aid laboratoriya praktikumu» (1996), K.P.Məmmədov
və X.Xəlilov «Optika» (3 hissəli,1981), B.A.Haqverdiyev, M. M.Əliyev «Fiziki prinsiplər»
(1987), B.A.Haqverdiyev, B.B.Quliyev «Fiziki effektlər» (1988), B.A.Haqverdiyev,
A.S.Ələkbərov, F.A.Axundov «Elektromaqnizimdən mühazirələr» (1996), M.M.Əliyev «Fizika»
(Elementar dərs vəsaiti,1986), V.İ.Nəsirovun «Kristalloqrafiyanın elementləri» (E.Ə.Eyvazovla
birlikdə), «Bərk cisimlər fizikasının məsələlərlə şərhi» (E.Ə.Eyvazov və Y.Abbasovla
birlikdə, 1999), «Elektrik» (2002) və başqa əsərlər bu qəbildəndir.
Hal-hazırda kafedrada 15 nəfər (3 elmlər doktoru, professor, 6 elmlər namizədi,
dosent, 4 elmlər namizədi, baş müəllim, 2 elmlər namizədi, müəllim) – professorlar:
M.İ.Murquzov (kafedra müdüri, dekan), V.İ.Nəsirov, Q.İ.Səfərəliyev, dosetnlər: V.V.Yusifov,
İ.Ş.Dadaşov, R.F.Məmmədova, M.M.Xəlilov, A.S.Ələkbərov, Ə.N.Quliyev, baş müəllimlər:
C.İ.Hüseynov, A.Ə.Əliyev, C.M.Səfərov, Ş.S.İsmayılov və müəllimlər: X.A.Adıgözəlova
və O.M.Həsənov çalışırlar.
Yaradıcı Kollektiv
|
|
|
|
|
|
|
|
|