|
|
Azərbaycan Dövlət Pedaqoji Universitetinin PEDAQOGİKA VƏ PSİXOLOGİYA
Fakültəsinin - Ümumi Psixologiya Kafedrasının Web Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən, Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin PEDAQOGİKA VƏ
PSİXOLOGİYA Fakültəsi - Ümumi Psixologiya Kafedrasının Web Səhifəsində salamlayaraq
hamınıza - "XOŞ GƏLDİNİZ!" deyirəm.
PEDAQOGİKA VƏ PSİXOLOGİYA Fakültəsi - Ümumi Psixologiya Kafedrasının Web Səhifəsi
Sizin xidmətinizdədir. Arzu və istəklərinizi, sizi düşündürən məsələləri, sualları
psychology_general@aspu.az elektron poçt ünvanı ilə bizə çatdıra
bilərsiniz.
PEDAQOGİKA VƏ PSİXOLOGİYA Fakültəsi - Ümumi Psixologiya Kafedrasının Web Səhifəsi
Azərbaycanın ali pedaqoji təhsil tarixi ilə maraqlanan tədqiqatçılar, müəllimlər,
tələbə və geniş oxucu auditoriyası üçün daha da maraqlıdır.
Odur ki, elektron məktublarınızı səbirsizliklə gözləyirik.
PEDAQOGİKA VƏ PSİXOLOGİYA Fakültəsi - Ümumi Psixologiya Kafedrasının Müdiri,
prof. Ə.Ə.Əlizadə
|
|
|
|
|
UNİVERSİTETİN PEDAQOGİKA VƏ PSİXOLOGİYA FAKÜLTƏSİ -
Ümumi Psixologiya Kafedrası
Azərbaycan Dövlət Pedaqoji Universiteti XX yüzillikdə respublikada psixologiya elminin
inkişafında müəyyənedici rol oynayan önəmli elm mərkəzlərindən biridir. Yarandığı
ilk gündən (1921) burada psixologiya fənni tədris olunmuş və ümumi psixologiya,
yaş psixologiyası və pedaqoji psixologiya sahəsində sanballı nəzəri – eksperimental
tədqiqatlar aparılmışdır.
Psixologiya kafedrasının inkişaf yolunu şərti surətdə dörd mərhələyə ayirmaq olar.
I mərhələ (1921-1941) universitetdə psixologiya kafedrasının formalaşmasına hazırlıq
mərhələsidir. 20-ci illərin əvvəllərində ADPU-da H.Şaxtaxtinski, A.O.Makovelski,
Ə.K.Zəkiyev kimi istedadlı psixologiya müəllimləri fəaliyyət göstərsələr də, hələ
müstəqil psixologiya kafedrası təşkil olunmamışdı. 30-cu illərdə aspirantura xətti
ilə psixologiya üzrə elmi-pedoqoji kadrların hazırlanması sahəsində ilk addımlar
atılırdı.
II mərhələdə (1941-1963) ADPU-da ilk dəfə olaraq görkəmli Azərbaycan psixoloqu prof.
Ə.K.Zəkiyevin rəhbərliyi ilə psixologiya kafedrası yaradıldı. Lakin II Dünya müharibəsinin
başlanması kafedranın fəaliyyətinə də öz təsirini göstərdi. Müharibədən sonrakı
illərdə kafedra yenidən təşkil olundu. 1947-1948-ci ildə ADPU-da məntiq-psixologiya
şöbəsinin açılması kafedranın elmi-pedaqoji həyatında xüsusi rol oynadı. Psixologiya
kafedrasının nəzdində psixologiya kabineti yaradıldı. Lakin 1957-1958-ci tədris
ilində məntiq və psixologiya şöbəsi bağlandı, 1959-cu ildə isə psixologiya kafedrası
pedaqogika kafedrası ilə birləşdirildi.
III mərhələdə (1963-1975) psixologiya kafedrası prof. Ş.S.Ağayevin rəhbərliyi ilə
müstəqil fəaliyyətə başladı. Kafedrada elmi-tədqiqat işləri geniş vüsət aldı. Psixologiyanın
müxtəlif sahələrində, ilk növbədə, pedaqoji psixologiya sahəsində sanballı tədqiqatlar
aparıldı. A.U.Məmmgdov (1965) İ.A.Fərəcov (1969), Q.Y.Əzimov (1970), İ.N.Məmmədov
(1972), M.Ş.Əbdülov (1973), Ə.T.Baxşəliyev (1973), N.A.Cavadov (1974) və başqaları
müvəffəqiyyətlə namizədlik dissertasiyası müdafiə etdilər. Kafedranın əməkdaşları
«Əmək tərbiyəsi və inkişafı» (Ş.S.Ağayev, 1967), «Kiçik məktəb yaşlı şagirdlərdə
əqli keyfiyyətlərin inkişaf dinamikası» (Ə.S.Bayramov, 1967). «Cinsi dimorfizm və
şəxsi qarşılıqlı münasibətlərin formalaşmasının psixoloji problemləri» (Ə.Ə.Əlizadə,
1975) mövzularında doktorluq dissertasiyaları müdafiə etmişlər.
IV mərhələdə (1975-2006) psixologiya kafedrası ümumi psixologiya kafedrası kimi
fəaliyyətə başladı. Kafedraya prof. Ə.Ə.Əlizadə rəhbərlik edir. Onun psixologiyanın
bu və ya digər problemləri ilə bağlı 60-dan artıq monoqrafiyası, dərslik və dərs
vəsaiti nəşr olunmuşdur. Prof. Ə.Əlizadə Azərbaycan psixoloqlarının ikinci nəslinin
tanınmış münayəndələrindən biridir. Bu mərhələdə ilk növbədə psixololgiyanın tədrisi
keyfiyyətinin yüksəldilməsinə xüsusi diqqət yetirilmişdir. Kafedranın yaxından iştirakı
ilə «Ümumi psixologiya» (1986) dərsliyi tərcümə olunmuş, «Psixologiya» (1989) dərsliyi
və müxtəlif proqramlar nəşr olunmuş, «Ali pedaqoji məktəbdə psixologiyanın tədrisi
metodikası» sistemli şəkildə öyrənilmiş, kafedranın qabaqcıl müəllimlərinin iş təcrübəsi
ümumiləşdirilmişdir.
Hazırda kafedrada 10 nəfər: prof. Ə.Ə.Əlizadə, (kafedra müdiri), dosentlər A.U.Məmmədov,
M.Ş.Əbdülov, T.H.Ağayeva, baş müəllimlər S.M.Əliyeva, G.A.Məmmədova, R.Axundova,
müəllimlər N.T.Hüseynova, M.S.Əliyev və Ə.Alıyev) çalışır.
Yaradıcı Kollektiv
|
|
|
|
|
|
|
|
|