|
|
Azərbaycan Dövlət Pedaqoji Universitetinin
PEDAQOGİKA VƏ PSİXOLOGİYA Fakültəsinin - Məktəbəqədər Pedaqogika
Kafedrasının Web Səhifəsinə - "XOŞ GƏLDİNİZ!".
Əziz valideynlər, tələbələr, professor-müəllim heyəti, o cümlədən,
Azərbaycan xalqının
dəyərli ziyalıları! Sizi Azərbaycan Dövlət Pedaqoji Universitetinin
PEDAQOGİKA VƏ PSİXOLOGİYA Fakültəsi - Məktəbəqədər Pedaqogika
Kafedrasının Web Səhifəsində salamlayaraq hamınıza - "XOŞ GƏLDİNİZ!"
deyirəm.
PEDAQOGİKA VƏ PSİXOLOGİYA Fakültəsi - Məktəbəqədər Pedaqogika Kafedrasının Web Səhifəsi Sizin xidmətinizdədir.
Arzu və istəklərinizi, sizi düşündürən məsələləri, sualları psychology_preschool@aspu.az
elektron poçt ünvanı ilə bizə çatdıra bilərsiniz.
PEDAQOGİKA VƏ PSİXOLOGİYA Fakültəsi - Məktəbəqədər Pedaqogika Kafedrasının Web Səhifəsi Azərbaycanın ali pedaqoji
təhsil tarixi ilə maraqlanan tədqiqatçılar, müəllimlər, tələbə və geniş oxucu auditoriyası
üçün daha da maraqlıdır.
Odur ki, elektron məktublarınızı səbirsizliklə gözləyirik.
PEDAQOGİKA VƏ PSİXOLOGİYA Fakültəsi - Məktəbəqədər Pedaqogika Kafedrasının Müdiri,
dos.R.Mursaqulova
|
|
|
|
|
UNİVERSİTETİN PEDAQOGİKA VƏ PSİXOLOGİYA FAKÜLTƏSİ -
Məktəbəqədər Pedaqogika Kafedrası
Kafedra 1968-ci ildə yaradılmışdır.
Ötən illər ərzində kafedraya dos. Ə.Qədimbəyova (1968-1978) dos. N.Rüstəmova (1980-1989),
dos.B.Paşayeva (1989-1999) rəhbərlik etmişlər. 1999-cu ildən bəri kafedranın müdiri
dos.R.Mursaqulovadır.
Kafedra üzvləri məktəbəqədər yaşlı uşaqların təhsil və tərbiyəsinin mühüm problemlərinə
dair tədqiqatlar aparmış, namizədlik dissertasiyası müdafiə etmiş, kitab və kitabçalar
nəşr etdirmişlər.
Dos. N.Rüstəmovanın «Məktəbəqədər pedaqogika tarixi» (2004), dos.R.Mursaqulova,
dos. Ş.Əliyevanın «Bağça yaşlı uşaqların təbiətlə tanış edilməsi metodikası» (1993),
dos. Z.Vəliyevanın «Məktəbəqədər yaşlı uşaqların əxlaq tərbiyəsi» (1993), dos.N.Rüstəmova
və dos. Z.Zeynalovanın «Məktəbəqədər yaşlı uşaqlarda sadə riyazi təsəvvərlərin formalaşması
metodikası», dos. S.Salamovanın «Yaradıcı oyunlar prosesində uşaqların lügət ehtiyatlarının
zənginləşdirilməsi» (1997), dos. Ş.Əliyevanın «Məktəbəqədər yaşlı uşaqların mənəvi
tərbiyəsi», «Məktəbəqədər yaşlı uşaqların estetik tərbiyəsinin formaları, yolları
və vasitələri», dos. Ş.Əliyevanın və S.Mehdiyevanın «Ustadnamələr» (2006) adlı kitabları
tələbələrin istifadə etdikləri dəyərli mənbələrdəndir.
Kafedrada «Pedaqogika», «Məktəbəqədər pedaqogika» (dos. R.Mursaqulova, dos.Z.Vəliyeva),
«Nitq inkişafı metodikası» (dos. B.Paşayeva), «Pedaqogika tarixi» (dos. N.Rüstəmova),
«Ətraf aləmlə tanışlıq metodikası» (dos. R.Mursaqulova), «Fiziki mədəniyyətin tədrisi
metodikası» (dos.S.Cəmilzadə) və başqa fənlərin proqramları hazırlanmış, Təhsil
Nazirliyinin qrifi ilə nəşr edilmişdir.
Hazırda kafedrada 16 nəfər müəllim (dosentlər R.Mursaqulova (kafedra müdiri), B.Paşayeva,
N.Rüstəmova, Z.Vəliyeva, Ş.Əliyeva, S.Cəmilzadə, S.Salamova, Z.Zeynalova, baş müəllimlər
Z.Pulatova, K.Abdullayeva, X.Məmmədova, A.Əhmədova, S.Sadıqova, müəllimlər S.Mehdiyeva,
M.Kərimova, P.Cəfərova) fəaliyyət göstərir.
Yaradıcı Kollektiv
|
|
|
|
|
|
|
|
|